صباحكم سعاده
كيفكم ان شاء الله بخير ؟
اليوم تدوينه بتكلم فيها عن البي بي كريم المنتجات الاربعه جربتها بسنة 2016
بعضها جربتها من سنوات ماضيه ورجعت شريتها بسنة 2016
بس ابدا مارح اذكر مدة بقاء المنتج على البشره لاني استخدمه لساعات قليله وطلعات سريعه مودايم استخدم البي بي كريم
فماابي اظلم منتج بمجرد تخمين
ايش هو البي بي كريم ؟ وايش فايدته ؟
اختصار ل بلسم كريم العيب
ومعناها كريم بلسم معالج الشوائب ..
طبيب ألماني اكتشف ماده واستخدمها لتغطية آثار الجروح والحروق ..
بعدين مختصين اللتجميل استخدموها لصناعة منتج جمالي ..
أضافوا اللون .. خافي العيوب ..
وعرف ب البي بي كريم .. وانتشرت عند الآسيويين ..
البي بي كريم اخف من الفاونديشن على البشره ينفع للاستخدام اليومي
تغطيتيه غالبا بين الخفيف والمتوسط من مميزاته
1- يعطيك تغطيه بسيطه للبشره يغطي بعض العيوب الخفيفه بالبشره
لوعندك عيوب كثيره مارح يعطيك التغطيه الي متخيلتها
2- منظر حيوي ومشرق ويبين بشرتك طبيعيه اكثر
3- الترطيب
4- نسبة حمايه من الشمس
5- مايسد المسام
المنتج الاول بي بي كريم نيفيا
مميزات مذكوره بالمنتج :
مناسب لجميع البشرات لانه مرطب و بنفس الوقت ضد اللمعان و يدعي انه يقدم 5 فوائد فورية للبشرة :
1- ينسق لون البشرة و ينقي مظهر المسامات
2- يغطي عيوب البشرة مثل الشوائب و علامات التعب ، الهالات السوداء، البقع ، البشرة المحمره
و الخطوط الرفيعه
و الخطوط الرفيعه
3- يمنح الإشراقة للبشرة و يبرز لونها الطبيعي
4- يوفر ترطيبا خفيفا و سريع الإمتصاص
5- يساعد في حماية البشرة من المؤثرات البيئية الناتجة عن التعرض للشمس و علامات التقدم في السن المبكرة معSPF10
تجربتي :
حقيقي يبين بشرتك طبيعيه ويعطي منظر حلو للبشره
فيه نسبة ترطيب كويسه استغنيت عن المرطب قبله
ونسبة الحمايه تغطيته متوسطه
فيه منه 3 درجات فاتح / متوسط / غامق
شريته من صيدليه وماكان متوفر غير الدرجتين فاتح ومتوسط
جربت الدرجتين وماحسيت بفرق كبير فيها كلها مناسبه للبشره الحنطيه
كنت ناويه اخذ الدرجه الاولى بس غلطت واخذت الثانيه
بس برضو كانت مناسبه مافرقت كثير عن الدرجه الاولى
ماحس الدرجات مناسبه للبشرات الفاتحه لانها تميل الدرجات على السمار اكثر
اعجبني بالمنتج انه مايدهن بالمناطق التيزون الدهنيه
وماحتجت اثبته ببودر اعتبره افضل بي بي كريم جربته
تقيمي له 10/10
المنتج الثاني بي بي كريم غارنيه
متوفر بدرجتين فاتح ومتوسط فقط اخذت الدرجه الثانيه
على اساس حتكون كويسه بس ظلمتني كثير جدا غامقه والدرجه الاولى كانت جدا فاتحه
الدرجات محدوده ولونها مومحايد لازم تجربيه ووتااكدي اذا مناسب لك اولا
مميزات المذكوره بالمنتج
يزيل اللمعان
-يصغر المسامات و يقلل من ظهور عيوب البشرة
-يوحد و يعزز تألق و نضارة البشرة
-يرطب
-يحمي من أشعة الشمس SPF20
تجربتي :
سيئه للاسف سمعت كثير ذم على المنتج ومع كذا رحت وشريته
ههههههه عناد مادري
حسيته يسد المسام وثقيل على البشره ويطلع لي حبوب
تغطيتيه كويسه جدا ويوحد البشره الميزه الوحيده الي حبيتها فيه
تقيمي له :
3/10
بي بي كريم بودي شوب
مميزات مذكوره بالمنتج :
ترطيب ١٢ساعه ويصحح عيوب البشره ويحميها من الاضرار اليوميه ومتوفر فيه فيتامين e..
رائي فيه :
كترطيب حلو يعطيك ملمس ناعم ويعطي منظر صحي
تغطيتيه خفيفه جدا جدا جدا ولونه خفيف مايبان
لو بشرتك فيها حتى لو عيوب بسيطه مارح يغطيها لك
يحتاج بشره صافيه تماما
تقيمي له
7/10
Dior Hydra Life BB Creme
مميزات المنتج المذكوره فيه
المستخرجات النباتيه هيدرا لايف المقطوعه من حدائق ديور الخاصه
(الجستين ..السانتيلا ..الورد الأسود) تساهم في منح البشره الترطيب
المثالي الخاص بشباب البشره
خضاب من الجيل الجديد لتصحيح البشره التفاوت وعدم التناسق على سطح البشره
مجموعة بودرات الدقيقه الناعمه تساهم في اضاءة وانارة الوجه
استخدميه لوحده على بشرة الوجه أو بعد مستحضر العنايه هيدرا لايف الذي ترغبين به ..
الكريم يحتوي على واقى من اشعة الشمس بعامل حماية (SPF30)
ولاحتوائه على الهيدرا .. يحفز انتاج الخلايا وحمايه مضاده للأكسده
تجربتي :
يتوفر منه درجه وحده بس واندرتونه على اورنج يناسب البشرات الحنطيه والسمراء اكثر
قوامه كريمي وتغطيتيه متوسطه وكويسه ويعطي رونق ونضاره للبشره
ويعطي منظر ديوي للبشره بدون لمعة زيتيه
كميه قليله من المنتج تكفي واحتاج اثبته ببودر
شريته مع بداية السنه وللحين ماخلص المنتج حجمه كويس ويمشي معاك وقت
وبكذا انتهت التدوينه
ليست هناك تعليقات:
إرسال تعليق