مساء الخير يا حلوات
كيفكم ان شاء الله كويسات
تدوينة الاسبوع نزلت حسب طلبكم أنتم وبنتكلم فيهاعن اثار الحبوب الاثار الي تكون عباره عن بقع بنيه ابدا مارح اتكلم عن
الاثار الي ممكن تتركها كندبات هذي مالي تجربه معاها ومااعاني منها الي تعاني من الاثار العميقه زي ندبات انصحها تروح
لطبيب جلديه
انا مرتين سويت كورس علاج ل الاثار البقع الي تتركها الحبوب السبب الاول كان من حب الشباب نفسه بعد ماعالجته بديت في
كورس علاج الاثار والحمدلله اختفت الاثار بنسبه 80% بوقتها وكانت بالخدود فقط الي ماشافت تدوينة تجربني في علاج حب
الشباب تلقاه هنا
المره الثانيه الي رجعت فيها لنفس الكورس انه طلعت لي حبوب بعد ازالة شعر الوجه اختفت الحبوب لكن تركت لي اثار البقع البنيه
يعني حبوب حساسيه من غلطه سويتها بالازاله الاثار تبع المره الثانيه ماهي كثيره بسيطه وشويه ومن مده قريبه عكس المره الاولى
الي كانت فيها الاثار قديمه جدا ومع ذالك شفت النتيجه كويسه حاليا انا رجعت للكورس هذا وبستمر عليه نفس اول مره وشفت
نتيجه مرضيه بالمره الاولى
المنتجات الي جربتهم هما اثنين فقط
المنتج الاول
قناع بيوتاش
المنتج كريمي ينفرد على كامل الوجه والرقبه لمدة 25 دقيقه بعدها يتماسك ويصير قناع يزال بسحب من تحت لفوق بشويش
بوقت استخدامه انتبهي تحطيه حوالين الفم والعين وابدا المنتج بطريقة الاستخدام مافيه فرك زي باقي المقشرات استخدامها يكون
بالفرك الخفيف , منتج بيوتاش مخصص للبقع البنيه الي تتركها الحبوب يسوي تقشير متوسط الي خفيف للبشره
اسويه مرتين بالاسبوع والافضل انك تبعدي بذي الفتره عن الميك اب لانك راح تتعبي مع الفاونديشن بيسبب لك قشور او اذا عندك
منااسبه مهمه سويه مره وحده بالاسبوع قبل المناسبه بعدة أيام ولاتنسي الترطيب بعد استخدام منتج بيوتاش
المنتج الثاني
الدوكين فورت
عباره عن مبيض , استخدمته بنية علاج الاثار ويوحد المناطق الي فيها اثار مع باقي لون البشره
المنتج استخدمه بالليل وماتعرض للضوء او الشمس واصحى بالصباح اغسل الوجه بغسول
ومع استخدامي للمنتج هذا مهم اني استخدم واقي شمس بخرجات النهار او حتى بالبيت لو بتعرض لحرارة الفرن ولا النتيجه بتكون
عكسيه , المنتج مكتوب عليه مرتين باليوم بشكل يومي انا اسويه مره باليوم بالليل ويوم ايه ويوم لا حسب ماوصف لي الد كتور
وبس سلامتكم ان شاء الله
بكذا أكون انهيت التدوينه لاتنسوني من دعمكم وتفاعلكم
ليست هناك تعليقات:
إرسال تعليق