مدونه عربيه عن الأنوثه والجمال والأزياء
واسلوب الحياه وبعض اهتمامتها وتجاربها
أحدث المشاركات

الأربعاء، 29 مارس، 2017



 مسائكم سعاده

كيفكم بنات ان شاء الله بخير ؟


حبيت اليوم اسوي تدوينه بسيطه ومختصره لمفضلاتي بشهر الماضي , اول مره اسوي النوع هذا من التدوينات
وحبيت يكون شامل لكل جانب عنايه , ميك اب , كتب .. الخ


من مفضلاتي بالعنايه

الطين المغربي من now
حبيته من اول استخدام ينظف البشره بشكل كويس ومعروف الطين انه يصفي البشره ويعالجها من اي تصبغات او بقع يوحدها
النوع المغربي مناسب لكل انواع البشرات ومايسبب اي حساسيه استخدمته كثير وخصوصا قبل بيوم من اي مناسبه 
الميك اب يكون نظيف وماتدهن معي بشرتي في بعض المناطق  غالبا مرتين بالاسبوع استخدمه 



زيت فيتامين e يعالج البشره من ندبات ومكافح لعلامات تقدم السن ومرطب للبشره ويعالج البقع البنيه
استخدمه نقطه بس قليله منه مخلوط مع مرطبي اليومي , لانه ثقيل وماينفع على البشره لوحده وماانصح بتكثير الكميه منه مع المرطب لانه يدهن شوي وياخذ وقت على ماتمتصه البشره بعد ماتوزعيه على بشرتك سوي مساج للبشره تدليك حتى تمتصه اسرع
وبرضو استفدت منه تحت العين للهالات حسيتها خفت شوي هالشهر , طبعا شفت نتيجه سريعه بالهالات لانها مو وراثيه عندي بس زادت الفتره هذي لكثرة استخدامي للاجهزه وقلة النوم , استخدمه بأي وقت خلال يومي مره وحده باليوم
واستخدمته لشفايف كمرطب لوحده ونتيجته اعجبتني 




كريم الكولاجين

لحد الان هالمنتج تحت التجربه سمعت عنه المديح والذم من بنات واطباء 

والى الان ماشفت اي شيء اعجبني فيه غير ترطيبه كويس ويعطي نضاره حلوه للبشره 
وكمرطب يومي وقبل المكياج 



مزيل المكياج من نيفيا
كويس نوعا ما استخدمته كثير ويزيل المكياج بشكل جيد 


من مفضلات المكياج :


3 اشياء اخذتها من كشك بمول

 محدد الشفاه من مكياجي  لمن اخذته فكرته يميل لونه على اللون العنابي حسب اللون الواضح بالمنتج  بس وصلت البيت طلع لونه على موف اكثر المنتج مو كريمي كثير ثقيل شوي بس مايتعبك بتحديد ومليء الشفاه الي حبيته فيه انه ثباته كويس مايجفف الشفايف


ايلاينر  , حبيت سمك الفرشه نحيفه وسهله بالرسم وثبات الايلاينر جدا قوي ويوضح من اول مره

بي بي كريم نيفيا
هو اساسا مكس  بين مرطب والاساس حبيت فيه الترطيب وانه تغطيتيه متوسطه ويعطي مظهر طبيعي للبشره


مفضلات مختلفه


كتاب ابقي قويا

فكرة الكتاب تواريخ على عدد الشهور وايام السنه كل يوم بيومه حكمه او نصيحه او قصه ملهمه
حبيت فكرته وكنت ابدا فيه يومي كل يوم صفحه من الكتاب والشهر الماضي اكثر شهر قرأت فيها كل صفحات المخصصه له بالكتاب



برضو الشموع من عشاقها انا احسها تعطي جو حلو واسترخاء
جربت شموع فواحه  من محلات عاديه بعضها ماكانت اشوف منها روائح فواحه زي ماهو مذكور عنها
بس الي حبيتها الانواع هذي  وكانت تفوح منها بالمكان ريحه خفيفه وحلوه ( فانيلا - الياسمين - الفراوله-جوز الهند  )

وبكذا انتهت التدوينه





قراءة المزيد

الخميس، 2 مارس، 2017




صباح / مساء الخير ياحلوات 

كيفكم ان شاء الله بخير ...؟

اليوم ان شاء الله راح اتكلم عن 4 منتجات برايمر بحكي تجربتي معاهم ورائي فيهم  جربتهم في سنة 2016 

البرايمر شيء اساسي بالميك اب وله فوايد كثير ممكن تلقي كذا ميزه بمنتج واحد وممكن كل منتج يعطيك ميزه  معينه 

فأنتي اعرفي ايش تحتاجي وعلى حسب تختاري المنتج 

 البرايمر يعطيك ترطيب ويسهل لك توزيع الاساس ويغطي المسامات  و يمتص الدهون ويثبت لك المكياج لمده اطول 


طبعا بشرتي مختلطه (منطقة الخدجافه وتيزون دهنيه على خفيف ) 



اول منتجين من ريميل 

نبدا بالمنتج اليمين : اسمه protect

المنتج ثقيل شوي وفيه نسبة ترطيب كمية قليله منه تكفي 
استخدمه بالمنطقه الجافه من الوجه يثبت المكياج لساعات قليله 
ينفع لاستخدام يومي خفيف ماانصح فيه لمناسبات طويله 
عيبه اذا كثرت الكميه من المنتج يدهن البشره بمناطق جافه ! فهذا الشيء راح عن بالي بمره وخرب لي مكياجي 
الحلو فيه انه فيه نسبة حمايه 25-30 

المنتج الثاني باليسار : اسمه lasting 

المنتج خفيف وبرضو كميه قليله منه تكفي استخدمه بالمناطق الدهنيه بالوجه 
اعجبني المنتج تحكم لي بافراز الدهون بالمناطق الدهنيه 

فترة استخدامي للمنتجين 4 شهور 
اخذت المنتجين من سنتر بوينت 
الاسعار حول ال 40 تقريبا ماافتكر 






برايمر ماك 

المنتج ماحبيته على بشرتي المختلطه حبيته فقط على الجفن يثبت لي الايشادو 
يعطي لوك ديوي بزياده على بشرتي وهالشي ماحبيته ويفرز دهون في بعض المناطق 
جربت المنتج على بشرة امي بشرتها جافه وكان جميل جدا معاها مايدهن اعطاها لوك صحي 
ولمعه خفيفه وحيوي للبشره وسهل دمج الفاونديشن وثبات للمكياج فتره طويله 
المنتج جميل وكل ميزه فيه واضحه بس على حسب بشرتك جماله يبان 

فترة استخدامي للمنتج 9 اشهر او اكثر 
اخذته من محلات ماك 
بسعر 100 وشوي 



برايمر بينفت 

اسمه ذا بور فيشنال 

اول منتج لي من ماركه بنفت وحبيته ليت القي برايمر لكامل الوجه مثله 
المنتج حبيته جدا استخدمه على الانف ومنطقة الخد على المسام يقفلها لي ويتحكم بدهون 
وتحت منطقة العين يخفي الخطوط الي تظهر بالميك اب تحت العين 
كمية قليله منه تكفي ويطول معاك لفتره مع انه المنتج صغير 
ويثبت المكياج بالمناطق هذي لفتره طويله 

استخدامي للمنتج تقريبا 7 شهور 


ماافتكر سعره بس اخذته من مندوبه 


وبكذا انتهت التدوينه 
دعمكم للمدونه 


قراءة المزيد

الثلاثاء، 7 فبراير، 2017


مرحبا بنات

كيفكم ان شاء الله بخير

اليوم تدوينتنا كيف تنسقي الوان لبسك ؟ لـ أي مناسبه كانت سهره أو دوام أو طلعه أي شيء كيف تنسقي لبسك ويكون طلتك متناسقه
ومريحه للنظر طبعا الجانب هذا البعض متمرس فيه وموهبه عنده مايحتار بتنسيق الالوان والبعض بالعكس يحيرهم اختيار الالوان
واحيانا تختاري لون وتتوهقي فيه ايش اللون المناسب له ! فتدوينة اليوم ان شاء الله تسهل عليكم الموضوع


راح يكون شرحنا على عجلة الالوان
بس حطي ببالك اختيار للألوان راح يكون حسب الاندرتون + ميولك للألوان الهادئه او السارخه 
برضو الالوان الفاتحه معروفه انه تعطيك امتلئ لوزن  لجسمك اكثر والالوان الغامقه تقلل من وزن جسمك بالنظر 
الالوان الفاتحه دارجه بالصيف والربيع والالوان المتوسطه دارجه في الخريف والالوان الغامقه بالشتاء 



الألوان المتناظرة:
هي الألوان التي يكون على جانبي نفس اللون. في الغالب هذي الألوان تتواجد في الطبيعة. التنسيق الي يتواجد على ألوان تناظرية يكون فيه انسجام .

الألوان التكميلية (التي تكمل بعضها):
هي الألوان الي تكون عكس بعض مباشرة على العجلة. هذي الالوان تتناسق و تبرز بعضها في اللبس . دائما تناسب هذه الألوان لتنطق لون معين مثل ان تكون زخرف او قعطة صغيره على البلوزه



الألوان التكميلية المنقسمة:
هي اللون و اللون المناظر و اللون المكمل له. هذي الطريقه بأختيار الالوان افضل من الالوان التكمليه لانها تعطي تناسق اكثر وطله افضل من اعتماد لونين فقط 


الألوان الثلاثية:
ثلاث ألوان تقع على مسافات متساويه.وقت يكون رغبتك باللوك فيه بهجه الالوان الثلاثيه بتخدمك  ( ابقي في اعتبارك ان التركيبات الي  ذكرتها في الأعلى فقط توضع درجات الألوان مشتركة. كل لون من هذه الألوان يملك درجات عدة و التي تعطي اختلاف في الظل و النور)



هذي  الاساليب بتنسيق الالوان بالعجله في أساليب اخرى تقليديه تسمي الوان ذات نغمه واحده 

لون واحد بدرجاته. لكن مانقدر نعتمد عليه طوال الوقت لانه  يعطي احساس بالملل. تقدري تكسري اللونين بأنك تضيفي  الابيض او الأسود لهذه الألوان .

الألوان المحايدة:
ألوان مثل الأبيض و الأسود و الكحلي و البني و البيج او الأوف وايت. كل هذه الالوان تتناسق مع بعضها و لكن اوقات تعطي مظهر غير جذاب لكن نقدر نستخدمها مع اي ألوان اخرى فاتحة لانها  تناسب جميع الألوان.. الأبيض و الأسود فقط ينفع ندمجها مع بعض  . البني يصلح للحزام و الحذاء و الجواكت. اللون الذهبي و الفضي ايضا من الألوان المحايدة وتقدري تلبسي ساعه  تدمج لونين ذهبي و فضي وتدخلي برغبتك اكسوار سوا ذهبي او فضي 

أمثله لتنسيق الوان وتوضح لك ايش الالوان المدموجه مع بعضها 













وهذي درجات من بعض الالوان مع أسمها 















قراءة المزيد

الثلاثاء، 24 يناير، 2017


صباحكم سعاده 

كيفكم ان شاء الله بخير ؟

اليوم تدوينه بتكلم فيها عن البي بي كريم المنتجات الاربعه جربتها بسنة 2016 
بعضها جربتها من سنوات ماضيه ورجعت شريتها بسنة 2016 
بس ابدا مارح اذكر مدة بقاء المنتج على البشره لاني استخدمه لساعات قليله وطلعات سريعه مودايم استخدم البي بي كريم 
فماابي اظلم منتج بمجرد تخمين 

ايش هو البي بي كريم ؟ وايش فايدته ؟


اختصار ل بلسم كريم العيب
ومعناها كريم بلسم معالج الشوائب ..


طبيب ألماني اكتشف ماده واستخدمها لتغطية آثار الجروح والحروق ..

بعدين مختصين اللتجميل استخدموها لصناعة منتج جمالي ..
أضافوا اللون .. خافي العيوب ..
وعرف ب البي بي كريم .. وانتشرت عند الآسيويين ..


البي بي كريم اخف من الفاونديشن على البشره ينفع للاستخدام اليومي 
تغطيتيه غالبا بين الخفيف والمتوسط من مميزاته 
1- يعطيك تغطيه بسيطه للبشره يغطي بعض العيوب الخفيفه بالبشره 
لوعندك عيوب كثيره مارح يعطيك التغطيه الي متخيلتها 
2- منظر حيوي ومشرق ويبين بشرتك طبيعيه اكثر 
3- الترطيب 
4- نسبة حمايه من الشمس 
5- مايسد المسام 

المنتج الاول بي بي كريم نيفيا 


مميزات مذكوره بالمنتج :

  مناسب لجميع البشرات لانه مرطب و بنفس الوقت ضد اللمعان و يدعي انه يقدم 5 فوائد فورية للبشرة :
  
    1- ينسق لون البشرة و ينقي مظهر المسامات 

      2- يغطي عيوب البشرة مثل الشوائب و علامات التعب ، الهالات السوداء، البقع ، البشرة المحمره 
و الخطوط الرفيعه

      3- يمنح الإشراقة للبشرة و يبرز لونها الطبيعي 

      4- يوفر ترطيبا خفيفا و سريع الإمتصاص 

      5- يساعد في حماية البشرة من المؤثرات البيئية الناتجة عن التعرض للشمس و علامات التقدم في السن المبكرة معSPF10

تجربتي :

حقيقي يبين بشرتك طبيعيه ويعطي منظر حلو للبشره 
فيه نسبة ترطيب كويسه استغنيت عن المرطب قبله 
 ونسبة الحمايه تغطيته متوسطه 

فيه منه 3 درجات فاتح / متوسط / غامق 
شريته من صيدليه وماكان متوفر غير الدرجتين فاتح ومتوسط 
جربت الدرجتين وماحسيت بفرق كبير فيها كلها مناسبه للبشره الحنطيه 
كنت ناويه اخذ الدرجه الاولى بس غلطت واخذت الثانيه 
بس برضو كانت مناسبه مافرقت كثير عن الدرجه الاولى 
ماحس الدرجات مناسبه للبشرات الفاتحه لانها تميل الدرجات على السمار اكثر
اعجبني بالمنتج انه مايدهن بالمناطق التيزون الدهنيه 
وماحتجت اثبته ببودر اعتبره افضل بي بي كريم جربته 

تقيمي له 10/10





المنتج الثاني بي بي كريم غارنيه 

متوفر بدرجتين فاتح ومتوسط فقط اخذت الدرجه الثانيه 
على اساس حتكون كويسه بس ظلمتني كثير جدا غامقه والدرجه الاولى كانت جدا فاتحه 
الدرجات محدوده ولونها مومحايد لازم تجربيه ووتااكدي اذا مناسب لك اولا 
                                                              
                                                           مميزات المذكوره بالمنتج
                                                                  يزيل اللمعان
-يصغر المسامات و يقلل من ظهور عيوب البشرة
-يوحد و يعزز تألق و نضارة البشرة
-يرطب
-يحمي من أشعة الشمس SPF20

تجربتي :

سيئه للاسف سمعت كثير ذم على المنتج ومع كذا رحت وشريته 
ههههههه عناد مادري 
حسيته يسد المسام وثقيل على البشره ويطلع لي حبوب 
تغطيتيه كويسه جدا ويوحد البشره  الميزه الوحيده الي حبيتها فيه 

تقيمي له :
3/10


بي بي كريم بودي شوب 
مميزات مذكوره بالمنتج :
ترطيب ١٢ساعه ويصحح عيوب البشره ويحميها من الاضرار اليوميه ومتوفر فيه فيتامين e..

رائي فيه :

كترطيب حلو يعطيك ملمس ناعم ويعطي منظر صحي 
تغطيتيه خفيفه جدا جدا جدا ولونه خفيف مايبان 
لو بشرتك فيها حتى لو عيوب بسيطه مارح يغطيها لك 
يحتاج بشره صافيه تماما 

تقيمي له 

7/10


Dior Hydra Life BB Creme

مميزات المنتج المذكوره فيه 
المستخرجات النباتيه هيدرا لايف المقطوعه من حدائق ديور الخاصه
(الجستين ..السانتيلا ..الورد الأسود) تساهم في منح البشره الترطيب
المثالي الخاص بشباب البشره
خضاب من الجيل الجديد لتصحيح البشره التفاوت وعدم التناسق على سطح البشره

مجموعة بودرات الدقيقه الناعمه تساهم في اضاءة وانارة الوجه
استخدميه لوحده على بشرة الوجه أو بعد مستحضر العنايه هيدرا لايف الذي ترغبين به ..
الكريم يحتوي على واقى من اشعة الشمس بعامل حماية (SPF30)
ولاحتوائه على الهيدرا .. يحفز انتاج الخلايا وحمايه مضاده للأكسده

تجربتي :

يتوفر منه درجه وحده بس واندرتونه على اورنج يناسب البشرات الحنطيه والسمراء اكثر 

قوامه كريمي وتغطيتيه متوسطه وكويسه ويعطي رونق ونضاره للبشره 
ويعطي منظر ديوي للبشره بدون لمعة زيتيه 

كميه قليله من المنتج تكفي واحتاج اثبته ببودر 

شريته مع بداية السنه وللحين ماخلص المنتج حجمه كويس ويمشي معاك وقت 



وبكذا انتهت التدوينه 

قراءة المزيد