مرحبا ي حلوات
صباحكم سعاده
كيفكم ان شاء الله كويسات ...؟!
كثير كثير اشوف بنات يسألون كيف ابدا عنايتي بنفسي , كيف اهتم بنفسي ؟
وبالغالب السؤال هذا مومقتصر على بنات في سن المراهقه حتى بنات متزوجات او عزوبيات عدو عمر المراهقه ولسى
موعارفين كيف يهتمو في نفسهم
وبرضو اسمع كثير من بنات يقولو لسى بدري اهتم في نفسي اذا جا وقت الزواج راح افعل واسوي وكانه المشاكل الي تعاني منها
راح تنحل في يوم وليله ي حبيبتي بما انه المشاكل الي فيك جات مع الايام واخذت وقت على تراكمها وظهرت بشكل هذا برضو
راح تحتاج ايام واياااام حتى تختفي ونقطة انه اهتم اذا كنت مقبله على الزواج غلط بغلط
لان انتي انثى تعرفي ايش معنى كلمة انثى ؟ وكل انثى جميله بس شوية اهتمام بتكوني اجمل واحلى نفسك لها حق عليك عشان
نفسك راح تهتمي وتفعلي موعشان شخص صار بحياتك
من محبتك لنفسك قدمي هالشيء لنفسك اهتمام بسيط وبيرجع تأثير على نفسك بتكوني واثقه من نفسك كثير اكرر كلمة حبي نفسك
بتدويناتي وراح ارجع اكررها مره ثانيه حبي نفسك انتي لو حبيتي شخص راح تهتمي في صحته واكله ولبسه وراحته صح او لا؟
طيب معقوله ماتحملي لنفسك ذرة محبه ؟ اتوقع لحد هنا والفكره وصلت
بما انك دخلتي عالم الاهتمام والعنايه ابدا لاتحطي في بالك انه كل منتج غالي راح تشوفي منه نتائج فعاله بالعكس في منتجات
اسعارها بين الرخيض والمتوسط السعر نتائجها افضل شوفي الشيء الي يناسبك وخذيه
وشرائك للمنتج لاتعتمدي يكون على اي وحده مدحت وطارت مديح بالمنتج اغلب مشاهير السوشيال ميديا تنااقض نفسها
تطير مدح في منتج وبعد كم يوم منتج جديد وتذم المنتج الي سبق ومدحته وهذا كله ل اجل الفلوس وهي اصلن ماجربته
انا مااقول كل الي يتكلمو عن المنتجات مو صادقين بالعكس في ناس صادقه ومنهم بنات بلوقر ويوتيوبرعربيات واجانب بس
اعرفي مين تختاري واقرائي عن كل منتج مفكره تشتريه بقوقل وشوفي سلبيات والايجابيات وعلى هذا الاساس بتختاري منتجك
ايضا سالفة البنات يرمو لومهم على امهاتهم انها ماتعلمها ابدا او ماعندها خوات اكبرمنها لاترمي لومك على امك او احد كل شيء
راح تلقيه بالنت وصار الوصول للمعلومات اسهل بزمنا هذا وانفتاحنا بالاهتمام بالاجيال هذي عكس الاجيال السابقه
ومن الاغلاط الي تسويها البنات وقت دخولهم لعالم العنايه انهم يخلو يومهم عنايه مكثفه وبتالي يصيبها الملل والكسل وتهمل ولا
كانها سوت شيء وانا بصراحه من البنات الي مودها ومزاجيتها يتحكم في عنايتها وادري كثير بنات مثلي وهذا شيء طبيعي بس مو
من الطبيعي المزاجيه هذي تستمر لطول الايام والمفترض يتم تقسيم اهتمامك على يومي واسبوعي وشهري
العنايه اليوميه :
تتضمن العنايه اليوميه استحمام يومي جسمك فقط لان شعرك راح يتعب من كثر الغسيل وتفقدي الزيوت الطبيعيه الي تغذي الشعر
بااستخدام شاور جل وليفه وتعطير الجسم بمعطرات خاصه بالجسم
وتنقسم العنايه لعنايه بنهار والليل يعني مرتين باليوم وماتاخد منك وقت بالكثير عشر دقايق والمنتجات الي تحتاجيها
غسول مناسب لنوع بشرتك (وقته نهار والليل )
ومرطب مناسب لنوع بشرتك (وقته نهار و الليل )
مرطب خاص لتحت العين (اوقته الليل )
تونر فايدته يقفل المسام بعد تنظيف البشره بالغسول (وقته نهار و الليل )
وترطيب الجسم على حسب مره او مرتين باليوم واذا بشرتك تحتاج لسيروم اشتري واحد
وتنظيف الاسنان اختاري فرشه ناعمه ومعجون على حسب احتياجك لوكنتي مثلا تحتاجي التبيض في معجون اسنان بصيدليه
مختص بالتبيض وخيط تنظيف بين الاسنان وغسول للفم والديودرنت وواقي الشمس لو طالعه بالنهار
وايضا اكلك يكون صحي بشكل يومي كثري شرب الماء صدقوني الماء يفرق كثير ويعالج مشاكل كثيره
لاتتهاونون بالماء وممكن تضيفي نصف ليمونه ونعناع او ملعقه عسل له فوائد صحيه ويحلي طعم الماء ودخلي بنظام اكلك
الفواكه والخضار كسلطه او عصير او شوربه بشكل الي تحبيه والنوم لمدة 7 ساعات يوميا بالليل ابعدي عن كثرة السهر
وقلة النوم نتائج سلبيه بتنعكس على بشرتك
العنايه الاسبوعيه :
العنايه الاسبوعيه اعتبريه يوم واحد بالاسبوع يكون يوم دلع لك يتضمن ماسك للوجه على حسب حاجتك منه ترطيب او نضاره ..الخ
و التقشير لكامل الجسم من الراس الى الارجل فايدة التقشير يساعد على التخلص من خلايا الجلد الميته وتوحيد اللون بالبشره
تحتاجي مقشر خاص بالوجه / ومقشر للجسم واليد والارجل / تقشير للشفايف
ومن بعد التقشير الترطيب ضروري جدا لانه اذا قشرتي ولا رطبتي الجلد يكون جااف ومع الوقت يتحول لتصبغات واسمرار
كمان بتسوي زيوت وماسكات لشعرك والتعطير الشعر بخمريه او تبخير الشعر مره بالاسبوع
* في نقطه حابه اتكلم عنها وهي الرياضه نصيحه الرياضه تسونها لرشاقة الجسم والمحافظه على اللياقه وغير التاثير النفسي
بتكوني واثقه من نفسك النقطه هذي على حسب اختيارك ممكن تسوينها بشكل يومي او 3 مرات بالاسبوع على حسب رغبتك
العنايه الشهريه :
بتكون العنايه الشهريه طبعا بعد الدوره الشهريه تتضمن ازاله الشعر لكامل الجسم + حمام مغربي + بخار لبشرة الوجه
مارح اتعمق بالثلاث الاشياء هذي حاليا لاني مفكره اسوي تدوينه خاصه بكل واحد منهم قريبا ان شاء الله
* ممكن تسوي جدول يساعدك في تقسيم الاشياء الي حابه تسويها بطرح لكم الجداول الي اعتمدها حاليا
وللاامانه الجداول مو من تصميمي اخذتها من بنت عندها مدونه واسمها بصور الخاصه فيها
رهيبة التدوينة
ردحذفهالافكار كلها كانت بمخي ومخططة بس انظمها .. عشان اضمن استمر عليها ..
بس شكرا لانك وضحتي الصورة والرؤية ..
استمري بالانتظار
روتين رائع! بشرتي تعاني من الجفاف خاصة في فصل الشتاء، بدأت بعلاج البشرة الجافة بروتين مناسب حتي أتخلص من الجفاف ولا أحتاج لوضع المكياج في كل مره أخرج فيها.
ردحذف