مساء /صباح الخير ي جميلات
كيفكم ان شاء الله كويسات
تدوينة اليوم عن اساسيات الميك اب ( الوجه)
لوماشفتو التدوينه الاولى بالسلسله تلقوها هنا
وبرضو عشان تعرفي تختاري المنتجات الي راح اتكلم عنها بتدوينه هذي ضروري تعرفي نوع بشرتك
اذا كنتي تعرفي نوعيتها استمري بقراءة التدوينه واذا ماتعرفي بتقلي التدوينه انواع البشره وطريقة التعامل معها هنا
بس حابه اقولكم شيء في منتجات غاليه وفي الرخيصه وموكل شيء غالي معناته نتيجه واو بالعكس في منتجات رخيصه
ومشابهه للغالي ونتائجها افضل منها
منتجات الميك اب الخاصه بالوجه
primer :
البرايمر هو كريم او لوشن يوضع اول شيء قبل اي خطوه ثانيه توزعيه على كامل الوجه
من مميزاته ترطيب للبشره وامتصاص الدهون ويسهل توزيع كريم الاساس ويثبته لمده اطول
من ناحية الترطيب فهو ضروري قبل تبدي الميك اب بيمنع لك ظهور القشور ومايتكل الاساس معاكي
فممكن تسوي البرايمر وممكن تكتفي ب أي مرطب يناسبك
وبتلقي برايمر خاص بالوجه وبرايمر خاص بجفن العين
بالنسبه لي اذا حطيت ايشادو بالجفن ماستغني عن برايمر بالمنطقه هذي يسهل التوزيع للايشادو ويمنع ظهور خطوط بالميك اب
foundation:
الفاونديشن هو كريم الاساس وله اشكال وانواع كثيره راح اذكرها يعتبر الخطوه الثانيه بعد البرايمر او الترطيب
وتوزعيه على كامل الوجه والرقبه ابدا ابدا ي بنات لاتنسون الرقبه كثير بنات ينسو المنطقه هذي ويكون في اختلاف بين الوجه
والرقبه واختيارك للفاونديشن يكون نفس لون بشرتك او مقارب له وافضل منطقه لتجربه مثل الصوره هذي
شايفين ي بنات الصوره
الون الي عليه السهم هو الون المقارب للبشره العارضه فيصير تختار هذا الون
بالمنطقه هذي افضل شيء للتجربه في بنات يجربوها على معصم اليد بس مودايم تضبط معاهم بالاختيار
واذا اخترتي الفاونديشن اضواء المحلات احيانا ماتساعد في تبين الون بشكل كويس يعني ممكن تجربيه بالمحل وبس توصلي للبيت
تلقي في اختلاف عكس ماكان مناسب لك بالمحل والسبب يرجع ل أنارة المحلات
بعضهم يكون المحلات في غرفه خاصه للتجربه قدام مرايا والبعض لا
لكن بكل الاحوال اطلبي عينه للتجربه من كل نوع الدرجه الي تحسيها تناسبك خذي علبه صغيره معك واطلبي يحطو لك فيها
لان بعض البائعات ترفض تخليك تاخذي عينه بحجة مافي علب ف انتي خذي احتياطك معك ولاتستحي لانه بتالي منتج الفاونديشن
بذات هو اهم شيء وهو تقريبا الي يكون اغلى شيء بالميك اب فحرام تحطي فلوسك بشيء ماتضمنيه
من مميزاته توحيد لون البشره واخفاء للتصبغات والحبوب لكن مايتم اخفائها بشكل بسيط وعلى حسب التغطيه
في تغطيه خفيفه والمتوسطه والثقيله ف انتي اختاري المناسب لك
انوع الفاونديشن تقريبا خمسة انواع وعلى حسب نوعية بشرتك راح تختاري النوع
1 الكويد فاونديشن وهو كريم الاساس السائل يناسب جميع انواع البشره وسهل بالتوزيع
2 الكريم فاونديشن هو كريم اساس كريمي يناسب البشره الجافه والعاديه
3 ستيك فاونديشن مناسب للبشره الدهنيه
4 باودر فاونديشن او الفيس باودر غباره عن بودره مناسبه للبشره الدهينه
5الموس فاونديشن ممزوج بين السائل وكريمي يناسب جميع انواع البشره
النتيجه الي راح يعطيكي اياها الفاونديشن 3 ي اما يكون مات مظهر من غير لمعه او ديوي مظهر طبيعي بلمعه
بالنسبه لي افضل استخدمه بالمناسبات فقط وطلعات عزايم جمعات كذا ك استخدام يومي دوام وكذا افضل استخدم احد المنتجات الجايه
bb cream :
بديل لكريم الاساس وينفع للاستخدام اليومي لخفته على البشره وبالغالب يكون فيه نسبه حمايه من الشمس
ويوزع على كامل الوجه والرقبه
ألاسم بي بي كريم اختصار لكلمتين blemish balm beauty balm
يعني تقريبا مرهم او معالج للبشره
مميزاته ترطيب للبشره وقايه من الشمس وتغطيه خفيفه
cc cream
برضو بديل عن الفاونديشن وينفع للاستخدام اليومي
السي سي كريم اختصار ل color / correct correcthion بمعنى مصحح للتصبغات
مميزاته نفس مميزات البي بي كريم اضافه الى الي بشرتها دهنيه يناسبها بحيت يقلل افراز الدهون
dd cream :
الدي دي كريم اختصار ل daily defence
كمان بديل عن الفاونديشن وينفع للاستخدام اليومي
مميزاته نفس مميزات البي بي كريم اضافه الي يعطيكي مقاومه يوميه ضد علامات تقدم للسن
tinted moisturizer
عباره عن كريم مرطب يدخل في تصميمه كميه قليله من الون ويعتبر اخف من كريم الاساس
الفايده الي راح يعطيكي اياها ترطيب وتغطيه خفيفه
وتوزيع المنتجات هذي كلها ب فرشه خاصه بالفاونديشن او ب اصابعك ا بالبيوتي بلندر الي يريحك ويناسبك سويه
color corrector
منتج مصصح يكون كريمي او سائل يخفي التصبغات والاثار الواضحه الي مايخفيها الكريم الاساس والكونسيلر
في منه الوان وكل لون له ميزه استخدام معينه حسب الحاجه والمشكله الي تعاني منها بشرتك بس راح اتلم عن 3 الوان اساسيه
والي هي بالغالب تستخدم
الاخضر يخفف الاحمرار الحبوب الحمرا او الاحمرار في الجلد والغالب البشره الحساسه بشرتهم فيها احمرار
البنفسجي يعادل البشره الي تميل الي الاصفرار
البرتقالي يصحح الهالات ويخفيها
طريقه استخدامه سهله اختاري المصحح حسب المشكله الي تعاني منها واذا ماكنتي تعاني من اي مشكله مش لازم تستخدميه
تحطي كميه قليله منه قبل كريم الاساس والكونسيلر وتوزعيه بالطبطه بواسطه بيوتي بلندر او اصابعك
concealer
منتج كريمي يستخدم ل اخفاء العيوب مثل الهالات والحبوب والتصبغات
تختاري منه لون افتح من لون بشرتك بدرجه او درجتين
يوضع بعد او قبل كريم الاساس لك الحريه
انواعه كريمي او لكويد او موس او ستيك وسبق وشرحت يناسبو ايش في كلامنا عن كريم االاساس
illuminator
منتج يشبه ل الكونسيلر وبالغالب البنات يغلطو فيه ويفكرونه كونسيلر
الفرق بينه وبين الكونسيلر انه الكونسيلر زي ماقلنا يخفي اشياء احنا موحابين انها تبان وتظهر
بالنسبه لليمنتر يعطي اضاءه بمعنى انه يجذب العين على العيب الي بنخفيه
ومانستخدمه على العيوب لا نستخدمه على اماكن جذب واشياء بنبرزها بالوجه مثل خط الانف او عظمه الخد
والاضائه ماتنحط على بشره فيها مسامات
blush
بودره الخد تحطيه على خدك عشان يعطيكي لون حيوي للخد وطبيعي وله عدة الوان اختاري الي يناسبك حسب بشرتك لونها
والاندرتون وراح اشرح ايش هو الاندرتون في سلسله مستقله
اذا كان كريمي تحطيه قبل كريم الاساس واذا بودره ينحط بعد بودره الوجه
درجات الوانه البلش من البرتقالي والزهري والموف
وبرضو منه البودره والستيك والكويد والكريمي اختاري حسب ماشرحناه قبل
bronzer
منتج شبيه في البلش لكن يعطي البشرره مظهر اسمرار حلو يميل للطبيعه درجاته من درجات البني
مايعتبر منتج ضروري لكنه اضافه تجميليه
وانواعه شيمري فيه لمعه او مات مافيه اي لمعه مطفي
highlighter
contour
اخر شيءالهايلاتر و الكونتور نستخدمها لنحت الوجه ونبرز مناطق
فهي ممكن تنحف الوجه وتصغر الانف
ماتعتبر ضروري بالاستخدام اليومي افضل للمناسبات وبشكل خفيف
غالبا تكون في بالت واحده الالوان الغامقه هي الكونتور والفواتح الهايلايت
بتكون مطفيه بدون لمعه وبصوره كريميه او بودر
البني هو مناطق الكونتور والون الفاتح مناطق الهيلايت
الكونتور والهيلايت يتوزع حسب شكل كل وجه
وبصوره راح تشوفو كل وجه ايش يناسبه
ليست هناك تعليقات:
إرسال تعليق