مساء / صباح الخير
كيف حالكم ي حلوات ان شاء الله كويسات
بأذن الله راح اسوي سلسله تخص الميك اب للبنات المبتدئات
الاغلب يمكن من متابعاتي يكونو يعرفو الميك اب بس برضو في متابعات ودهم يتعلمو ومو عيب ابدا الوحده تتعلم مافي احد انخلق
وهو عارف كل شيء بالدنيا وتعلم الميك اب سهل جدا بس يحتاج له تكتيك بسيط تتعلميه وبأذن الله راح تكوني ماهره فيه
وحطي في بالك انه الميك اب ابراز لمناطق الجمال فيكي وعمره ماكان لبس قناع جديد وتغير جذري لملامحك
كمان الميك اب صحيح فيه منتجات تساعد في اخفاء بعض العيوب بالبشره مو بخلقة ربي ركزو انها عيوب بشره
مثل التصبغات والاثار والحبوب الاشياء هذي الافضل انك تعالجيها عند دكتور جلديه مختص
الميك اب مارح يكون شكله كويس وحلو الا اذا كانت بشرتك حلوه او مقبوله
اذا بتفكري انه الميك اب كفيل ب انه يعالج المشاكل هذي ف انتي غلطانه بالعكس انتي تدمري بشرتك اكثر
ربنا خلقك جميله وبتكوني اجمل لو عرفتي تبرزي جمالك .. ابدا لاتربطي ثقتك بنفسك بالميك اب
يعني في بنات مارح تطلع وتخرج وتكون واثقه من حالها الا لو حطت وسوت وفعلت من المكياج
والبنات الي مايناسبها موضه معينه هبو فيها الناس وتسويها مع انها مومقتنعه فيها وموشايفه انها تناسبها
لاتسوين شيء مايناسبك بذات اشوف البنات بالحواجب موضه معينه صايره وملامحها ماتناسبها وتسويها شكلها يطلع غلط
بالمختصر حبي نفسك ...
الميك اب مافيه شيء اسمه صح او غلط بعطيكم مثال مثل الفاونديشن الي هو كريم الاساس البعض يرتاح ويناسبه يحطه بفرشه
والبعض يرتاح ويزبطه وهو يسويه ب اصابعه يعني في اشياء زي كذا انتي اختاري الي يناسبك فيها موشرط تتبعي كلام ارتست
ميك اب قالت انه غلط وماينفع الا كذا
تجربتي في تعلم الميك اب بسيطه وماارحت لدورات وغيرها تعلمت من النت تعليم ذاتي
تقريبا من مراهقتي وانا مهوسه بشيء اسمه ميك اب وبديت ابحث واقراء بالنت تعلمت مصطلحات والاساسيات
وكنت افتح اليوتيوب بوقت فراغي واطبق لوكات صحيح كنت اغلط مرات بااشياء مثل الدمج وكذا بس مع الاستمرار
صار شيء سهل واتقنه بسهوله بس تحتاجي تدريب مستمر وتشوفي مقاطع يوتيوب وتطبقينها كثر ماتقدرين
وراح تكوني ماشيه تمام فيه
بس لازم تعرفي اليوتيوبر الي تتابعينها ايش نوع بشرتها والتغطيه المكياج الي تسويه ولوكات هي قويه
او ناعمه وع اساسه تعرفي الي تتابعينها وحابه تتعلمي منها ايش ممكن تقدم لك وتفيدك فيه
مثل وحده تحب تستخدم كريم الاساس الخفيف وانتي تفضلي المتوسط او الثقيل فهنا مارح تسمعي كلامها لو نصحت كريم اساس
مثل وحده رسمت عينها غير عن رسمت عينك ولوكات الي تسويها مارح تناسبك مارح تسمعي كلامها لو طبقتي وشفتي الوك مو
حلو ع عيونك
مثل وحده مثلك تحب الايلاينر وعندها افكار برسم ممكن تتابعيها وتتعلمي منها
فكل وحده تتابعيها خذي منها الي يناسبك واتركي الي مايناسبك مو شرط تتبعي وحده بس وتطبقي كل شيء طالع حلو عليها معناته
راح يكون تمام عليكي وحطي في بالك انه التدريب والممارسه شيء اساسي مارح تستفيدي شيء وانتي بس تتابعي الوكات او
تحضري دورات اوتقرأين عن الميك اب مااااااارسي وجربي كثر ماجربتي واخطائتي راح تتعلمين اكثر لاتخافين من الغلط
حطي في بالك انه احسن ميك اب ارتست بالعالم ممكن انها تغلط مرات عادي كلنا نغلط
وعادي لو حطيتي ميك اب ومزاجك مو رايق وماطلع بالشيء الي تتوقعينه بالمره الجايه راح يزبط معاك لاتحطمي نفسك
السلسله بتكون طويله واحتمال اقسمها كل قسم بموضوع تدوين مستقل لحاله
لو حابه جهزي لك كوب قهوه / شاهي / عصير الي تحبيه وان شاء الله تنبسطي وتستفيدي من التدوينه
السلسله راح نقسمها ل أجزاء منها
* الوجه
*العين
* الحواجب
* الشفايف
* فرش المكياج
* الاندرتون
ليست هناك تعليقات:
إرسال تعليق