مسائكم سعاده
كيفكم بنات ان شاء الله بخير ؟
حبيت اليوم اسوي تدوينه بسيطه ومختصره لمفضلاتي بشهر الماضي , اول مره اسوي النوع هذا من التدوينات
وحبيت يكون شامل لكل جانب عنايه , ميك اب , كتب .. الخ
من مفضلاتي بالعنايه
الطين المغربي من now
حبيته من اول استخدام ينظف البشره بشكل كويس ومعروف الطين انه يصفي البشره ويعالجها من اي تصبغات او بقع يوحدها
النوع المغربي مناسب لكل انواع البشرات ومايسبب اي حساسيه استخدمته كثير وخصوصا قبل بيوم من اي مناسبه
الميك اب يكون نظيف وماتدهن معي بشرتي في بعض المناطق غالبا مرتين بالاسبوع استخدمه
زيت فيتامين e يعالج البشره من ندبات ومكافح لعلامات تقدم السن ومرطب للبشره ويعالج البقع البنيه
استخدمه نقطه بس قليله منه مخلوط مع مرطبي اليومي , لانه ثقيل وماينفع على البشره لوحده وماانصح بتكثير الكميه منه مع المرطب لانه يدهن شوي وياخذ وقت على ماتمتصه البشره بعد ماتوزعيه على بشرتك سوي مساج للبشره تدليك حتى تمتصه اسرع
وبرضو استفدت منه تحت العين للهالات حسيتها خفت شوي هالشهر , طبعا شفت نتيجه سريعه بالهالات لانها مو وراثيه عندي بس زادت الفتره هذي لكثرة استخدامي للاجهزه وقلة النوم , استخدمه بأي وقت خلال يومي مره وحده باليوم
واستخدمته لشفايف كمرطب لوحده ونتيجته اعجبتني
كريم الكولاجين
لحد الان هالمنتج تحت التجربه سمعت عنه المديح والذم من بنات واطباء
والى الان ماشفت اي شيء اعجبني فيه غير ترطيبه كويس ويعطي نضاره حلوه للبشره
وكمرطب يومي وقبل المكياج
مزيل المكياج من نيفيا
كويس نوعا ما استخدمته كثير ويزيل المكياج بشكل جيد
من مفضلات المكياج :
3 اشياء اخذتها من كشك بمول
محدد الشفاه من مكياجي لمن اخذته فكرته يميل لونه على اللون العنابي حسب اللون الواضح بالمنتج بس وصلت البيت طلع لونه على موف اكثر المنتج مو كريمي كثير ثقيل شوي بس مايتعبك بتحديد ومليء الشفاه الي حبيته فيه انه ثباته كويس مايجفف الشفايف
ايلاينر , حبيت سمك الفرشه نحيفه وسهله بالرسم وثبات الايلاينر جدا قوي ويوضح من اول مره
بي بي كريم نيفيا
هو اساسا مكس بين مرطب والاساس حبيت فيه الترطيب وانه تغطيتيه متوسطه ويعطي مظهر طبيعي للبشره
مفضلات مختلفه
كتاب ابقي قويا
فكرة الكتاب تواريخ على عدد الشهور وايام السنه كل يوم بيومه حكمه او نصيحه او قصه ملهمه
حبيت فكرته وكنت ابدا فيه يومي كل يوم صفحه من الكتاب والشهر الماضي اكثر شهر قرأت فيها كل صفحات المخصصه له بالكتاب
برضو الشموع من عشاقها انا احسها تعطي جو حلو واسترخاء
جربت شموع فواحه من محلات عاديه بعضها ماكانت اشوف منها روائح فواحه زي ماهو مذكور عنها
بس الي حبيتها الانواع هذي وكانت تفوح منها بالمكان ريحه خفيفه وحلوه ( فانيلا - الياسمين - الفراوله-جوز الهند )
وبكذا انتهت التدوينه
ليست هناك تعليقات:
إرسال تعليق