March favorites

 مسائكم سعاده

كيفكم بنات ان شاء الله بخير ؟


حبيت اليوم اسوي تدوينه بسيطه ومختصره لمفضلاتي بشهر الماضي , اول مره اسوي النوع هذا من التدوينات
وحبيت يكون شامل لكل جانب عنايه , ميك اب , كتب .. الخ


من مفضلاتي بالعنايه

الطين المغربي من now
حبيته من اول استخدام ينظف البشره بشكل كويس ومعروف الطين انه يصفي البشره ويعالجها من اي تصبغات او بقع يوحدها
النوع المغربي مناسب لكل انواع البشرات ومايسبب اي حساسيه استخدمته كثير وخصوصا قبل بيوم من اي مناسبه 
الميك اب يكون نظيف وماتدهن معي بشرتي في بعض المناطق  غالبا مرتين بالاسبوع استخدمه 

زيت فيتامين e يعالج البشره من ندبات ومكافح لعلامات تقدم السن ومرطب للبشره ويعالج البقع البنيه
استخدمه نقطه بس قليله منه مخلوط مع مرطبي اليومي , لانه ثقيل وماينفع على البشره لوحده وماانصح بتكثير الكميه منه مع المرطب لانه يدهن شوي وياخذ وقت على ماتمتصه البشره بعد ماتوزعيه على بشرتك سوي مساج للبشره تدليك حتى تمتصه اسرع
وبرضو استفدت منه تحت العين للهالات حسيتها خفت شوي هالشهر , طبعا شفت نتيجه سريعه بالهالات لانها مو وراثيه عندي بس زادت الفتره هذي لكثرة استخدامي للاجهزه وقلة النوم , استخدمه بأي وقت خلال يومي مره وحده باليوم
واستخدمته لشفايف كمرطب لوحده ونتيجته اعجبتني 

كريم الكولاجين

لحد الان هالمنتج تحت التجربه سمعت عنه المديح والذم من بنات واطباء 
والى الان ماشفت اي شيء اعجبني فيه غير ترطيبه كويس ويعطي نضاره حلوه للبشره 
وكمرطب يومي وقبل المكياج 

مزيل المكياج من نيفيا
كويس نوعا ما استخدمته كثير ويزيل المكياج بشكل جيد 


من مفضلات المكياج :


3 اشياء اخذتها من كشك بمول

 محدد الشفاه من مكياجي  لمن اخذته فكرته يميل لونه على اللون العنابي حسب اللون الواضح بالمنتج  بس وصلت البيت طلع لونه على موف اكثر المنتج مو كريمي كثير ثقيل شوي بس مايتعبك بتحديد ومليء الشفاه الي حبيته فيه انه ثباته كويس مايجفف الشفايف


ايلاينر  , حبيت سمك الفرشه نحيفه وسهله بالرسم وثبات الايلاينر جدا قوي ويوضح من اول مره

بي بي كريم نيفيا
هو اساسا مكس  بين مرطب والاساس حبيت فيه الترطيب وانه تغطيتيه متوسطه ويعطي مظهر طبيعي للبشره


مفضلات مختلفه

كتاب ابقي قويا

فكرة الكتاب تواريخ على عدد الشهور وايام السنه كل يوم بيومه حكمه او نصيحه او قصه ملهمه
حبيت فكرته وكنت ابدا فيه يومي كل يوم صفحه من الكتاب والشهر الماضي اكثر شهر قرأت فيها كل صفحات المخصصه له بالكتاب

برضو الشموع من عشاقها انا احسها تعطي جو حلو واسترخاء
جربت شموع فواحه  من محلات عاديه بعضها ماكانت اشوف منها روائح فواحه زي ماهو مذكور عنها
بس الي حبيتها الانواع هذي  وكانت تفوح منها بالمكان ريحه خفيفه وحلوه ( فانيلا - الياسمين - الفراوله-جوز الهند  )

وبكذا انتهت التدوينه

قراءة المزيد

المكياج

ريفيو : 4 منتجات برايمر

صباح / مساء الخير ياحلوات 

كيفكم ان شاء الله بخير ...؟

اليوم ان شاء الله راح اتكلم عن 4 منتجات برايمر بحكي تجربتي معاهم ورائي فيهم  جربتهم في سنة 2016 

البرايمر شيء اساسي بالميك اب وله فوايد كثير ممكن تلقي كذا ميزه بمنتج واحد وممكن كل منتج يعطيك ميزه  معينه 

فأنتي اعرفي ايش تحتاجي وعلى حسب تختاري المنتج 

 البرايمر يعطيك ترطيب ويسهل لك توزيع الاساس ويغطي المسامات  و يمتص الدهون ويثبت لك المكياج لمده اطول 


طبعا بشرتي مختلطه (منطقة الخدجافه وتيزون دهنيه على خفيف ) 

اول منتجين من ريميل 

نبدا بالمنتج اليمين : اسمه protect

المنتج ثقيل شوي وفيه نسبة ترطيب كمية قليله منه تكفي 

استخدمه بالمنطقه الجافه من الوجه يثبت المكياج لساعات قليله 

ينفع لاستخدام يومي خفيف ماانصح فيه لمناسبات طويله 

عيبه اذا كثرت الكميه من المنتج يدهن البشره بمناطق جافه ! فهذا الشيء راح عن بالي بمره وخرب لي مكياجي 

الحلو فيه انه فيه نسبة حمايه 25-30 

المنتج الثاني باليسار : اسمه lasting 

المنتج خفيف وبرضو كميه قليله منه تكفي استخدمه بالمناطق الدهنيه بالوجه 

اعجبني المنتج تحكم لي بافراز الدهون بالمناطق الدهنيه 

فترة استخدامي للمنتجين 4 شهور 

اخذت المنتجين من سنتر بوينت 

الاسعار حول ال 40 تقريبا ماافتكر 

برايمر ماك 

المنتج ماحبيته على بشرتي المختلطه حبيته فقط على الجفن يثبت لي الايشادو 

يعطي لوك ديوي بزياده على بشرتي وهالشي ماحبيته ويفرز دهون في بعض المناطق 

جربت المنتج على بشرة امي بشرتها جافه وكان جميل جدا معاها مايدهن اعطاها لوك صحي 

ولمعه خفيفه وحيوي للبشره وسهل دمج الفاونديشن وثبات للمكياج فتره طويله 

المنتج جميل وكل ميزه فيه واضحه بس على حسب بشرتك جماله يبان 

فترة استخدامي للمنتج 9 اشهر او اكثر 

اخذته من محلات ماك 

بسعر 100 وشوي 

برايمر بينفت 

اسمه ذا بور فيشنال 

اول منتج لي من ماركه بنفت وحبيته ليت القي برايمر لكامل الوجه مثله 

المنتج حبيته جدا استخدمه على الانف ومنطقة الخد على المسام يقفلها لي ويتحكم بدهون 

وتحت منطقة العين يخفي الخطوط الي تظهر بالميك اب تحت العين 

كمية قليله منه تكفي ويطول معاك لفتره مع انه المنتج صغير 

ويثبت المكياج بالمناطق هذي لفتره طويله 

استخدامي للمنتج تقريبا 7 شهور 

ماافتكر سعره بس اخذته من مندوبه 

وبكذا انتهت التدوينه 

دعمكم للمدونه 

قراءة المزيد

المكياج

ريفيو : 4 منتجات بي بي كريم

صباحكم سعاده 

كيفكم ان شاء الله بخير ؟

اليوم تدوينه بتكلم فيها عن البي بي كريم المنتجات الاربعه جربتها بسنة 2016 

بعضها جربتها من سنوات ماضيه ورجعت شريتها بسنة 2016 

بس ابدا مارح اذكر مدة بقاء المنتج على البشره لاني استخدمه لساعات قليله وطلعات سريعه مودايم استخدم البي بي كريم 

فماابي اظلم منتج بمجرد تخمين 

ايش هو البي بي كريم ؟ وايش فايدته ؟

اختصار ل بلسم كريم العيب

ومعناها كريم بلسم معالج الشوائب ..

طبيب ألماني اكتشف ماده واستخدمها لتغطية آثار الجروح والحروق ..

بعدين مختصين اللتجميل استخدموها لصناعة منتج جمالي ..

أضافوا اللون .. خافي العيوب ..

وعرف ب البي بي كريم .. وانتشرت عند الآسيويين ..

البي بي كريم اخف من الفاونديشن على البشره ينفع للاستخدام اليومي 

تغطيتيه غالبا بين الخفيف والمتوسط من مميزاته 

1- يعطيك تغطيه بسيطه للبشره يغطي بعض العيوب الخفيفه بالبشره 

لوعندك عيوب كثيره مارح يعطيك التغطيه الي متخيلتها 

2- منظر حيوي ومشرق ويبين بشرتك طبيعيه اكثر 

3- الترطيب 

4- نسبة حمايه من الشمس 

5- مايسد المسام 

المنتج الاول بي بي كريم نيفيا 

مميزات مذكوره بالمنتج :

  مناسب لجميع البشرات لانه مرطب و بنفس الوقت ضد اللمعان و يدعي انه يقدم 5 فوائد فورية للبشرة :

  
    1- ينسق لون البشرة و ينقي مظهر المسامات 

      2- يغطي عيوب البشرة مثل الشوائب و علامات التعب ، الهالات السوداء، البقع ، البشرة المحمره 
و الخطوط الرفيعه

      3- يمنح الإشراقة للبشرة و يبرز لونها الطبيعي 

      4- يوفر ترطيبا خفيفا و سريع الإمتصاص 

      5- يساعد في حماية البشرة من المؤثرات البيئية الناتجة عن التعرض للشمس و علامات التقدم في السن المبكرة معSPF10

تجربتي :

حقيقي يبين بشرتك طبيعيه ويعطي منظر حلو للبشره 

فيه نسبة ترطيب كويسه استغنيت عن المرطب قبله 

 ونسبة الحمايه تغطيته متوسطه 

فيه منه 3 درجات فاتح / متوسط / غامق 

شريته من صيدليه وماكان متوفر غير الدرجتين فاتح ومتوسط 

جربت الدرجتين وماحسيت بفرق كبير فيها كلها مناسبه للبشره الحنطيه 

كنت ناويه اخذ الدرجه الاولى بس غلطت واخذت الثانيه 

بس برضو كانت مناسبه مافرقت كثير عن الدرجه الاولى 

ماحس الدرجات مناسبه للبشرات الفاتحه لانها تميل الدرجات على السمار اكثر

اعجبني بالمنتج انه مايدهن بالمناطق التيزون الدهنيه 

وماحتجت اثبته ببودر اعتبره افضل بي بي كريم جربته 

تقيمي له 10/10

المنتج الثاني بي بي كريم غارنيه 

متوفر بدرجتين فاتح ومتوسط فقط اخذت الدرجه الثانيه 

على اساس حتكون كويسه بس ظلمتني كثير جدا غامقه والدرجه الاولى كانت جدا فاتحه 

الدرجات محدوده ولونها مومحايد لازم تجربيه ووتااكدي اذا مناسب لك اولا 

                                                              

                                                           مميزات المذكوره بالمنتج

                                                                  يزيل اللمعان

-يصغر المسامات و يقلل من ظهور عيوب البشرة

-يوحد و يعزز تألق و نضارة البشرة

-يرطب

-يحمي من أشعة الشمس SPF20

تجربتي :

سيئه للاسف سمعت كثير ذم على المنتج ومع كذا رحت وشريته 

ههههههه عناد مادري 

حسيته يسد المسام وثقيل على البشره ويطلع لي حبوب 

تغطيتيه كويسه جدا ويوحد البشره  الميزه الوحيده الي حبيتها فيه 

تقيمي له :

3/10

بي بي كريم بودي شوب 

مميزات مذكوره بالمنتج :

ترطيب ١٢ساعه ويصحح عيوب البشره ويحميها من الاضرار اليوميه ومتوفر فيه فيتامين e..

رائي فيه :

كترطيب حلو يعطيك ملمس ناعم ويعطي منظر صحي 

تغطيتيه خفيفه جدا جدا جدا ولونه خفيف مايبان 

لو بشرتك فيها حتى لو عيوب بسيطه مارح يغطيها لك 

يحتاج بشره صافيه تماما 

تقيمي له 

7/10

Dior Hydra Life BB Creme

مميزات المنتج المذكوره فيه 

المستخرجات النباتيه هيدرا لايف المقطوعه من حدائق ديور الخاصه

(الجستين ..السانتيلا ..الورد الأسود) تساهم في منح البشره الترطيب

المثالي الخاص بشباب البشره

خضاب من الجيل الجديد لتصحيح البشره التفاوت وعدم التناسق على سطح البشره

مجموعة بودرات الدقيقه الناعمه تساهم في اضاءة وانارة الوجه

استخدميه لوحده على بشرة الوجه أو بعد مستحضر العنايه هيدرا لايف الذي ترغبين به ..

الكريم يحتوي على واقى من اشعة الشمس بعامل حماية (SPF30)

ولاحتوائه على الهيدرا .. يحفز انتاج الخلايا وحمايه مضاده للأكسده

تجربتي :

يتوفر منه درجه وحده بس واندرتونه على اورنج يناسب البشرات الحنطيه والسمراء اكثر 

قوامه كريمي وتغطيتيه متوسطه وكويسه ويعطي رونق ونضاره للبشره 

ويعطي منظر ديوي للبشره بدون لمعة زيتيه 

كميه قليله من المنتج تكفي واحتاج اثبته ببودر 

شريته مع بداية السنه وللحين ماخلص المنتج حجمه كويس ويمشي معاك وقت 

وبكذا انتهت التدوينه 

قراءة المزيد

المكياج

ريفيو عن The Body Shop Shade Adjusting Drops

صباح / مساء الخير

كيفكم ان شاء الله بخير ؟
اليوم بتكلم معاكم عن منتج جميل من بودي شوب اعتبره المنقذ لكثير من البنات بمشكلة اختيار الفاونديشن

كثير بنات بسبب الاضائه بالمحلات ممكن تشتري فاونديشن وبنهايه يطلع عكس بشرتها يااغمق او افتح

واحيانا الاساس يكون غالي ويرتمي ! وانتي مقهوره عليه ههههه حاسه بشعور هذا






فكرة المنتج قطرات لتفتيح وتغميق بدرجه او درجتين بالكثير يخلي الاساس مقارب للون بشرتك ويوفر عليك

قطره او قطرتين بالكثير تكفي تدمجيها مع كميه الاساس الي تحتاجيها بيدك فيه كثير بنات اشتكو

من قطرات التغميق انها مع الوقت تقلب كريم الاساس لرمادي !
لكن المشكله هذي مالحظتها مع قطرات التفتيح



قطرات التفتيح صارت من مفضلاتي ولي فتره طويله استخدمها

قطره وحده منها تكفي تفتح لي الفاونديشن بدرجتين بس تحتاج انك تدمجيها كويس

ومايحتاح تاخذين المنتجين خذي بس الشيء الي محتاجه تفتيح او تغميق

سعر المنتج حوالي 70 اظن مومتاكده بس تلقوه بمحلات بودي شوب




بكذا انتهت التدوينه

دعمكم للمدونه

قراءة المزيد

المكياج

أساس برجوا هيلثي مكس | Bourjois Healthy Mix Foundation

صباح / مساء الخير 

كيفكم ان شاء الله بخير !

تدوينة اليوم بتكلم فيها بتجربتي مع كريم اساس برجوا هيلثي مكس كثير منتشر بين البنات بالفتره الاخيره وعليه مدح 

وصف المنتج ،

لمعة صحية و بشرة صافية.

يعطي البشرة إشراقة و مظهر صافي حتى 16 ساعة .

هذا الأساس عزز بصيغة معالجة من الفواكة .

المشمش لتوهج البشرة.

البطيخ للترطيب.

التفاح لحماية شبابك.

و عزز بأصباغ بلورية تساعد في إعطاء وهج صحي للبشرة في الإضاءة الطبيعية.

طري و جيد القوام و يمتزج بسهولة مع البشرة يعطي تغطية صافية و مريحة للبشرة و يترك بشرتك جميلة ، مشعة و رطبة ل 8 ساعات 

تجربتي :

بشرتي مختلطه ( جافه بالخد ودهنيه بمنطقة التيزون )

الاساس سائل وتغطيته خفيف لمتوسط وسهل بالدمج 

ريحته فواكه لكن الريحه ماتدوم لفتره طويله 

خفيف على البشره ينفع للاستخدام اليومي ويعطي نضاره خفيفه للبشره

المنتج ثباته موطويل مره 5-8 ساعات بالكثير

وفيه نسبة ترطيب بالمناطق الجافه كان كويس معي لكن المناطق الدهنيه يفرز دهون بعد كم ساعه 

وممكن يسبب حبوب للبشره المعرضه لحب الشباب فماانصح فيه مره للبشره الدهنيه 

اما المختلطه تقدر تثبتي بباودر وتستخدمي برايمر للمسام ويتحكم بدهون بالمناطق الدهنيه 

غالبا انا مشكلتي بالدهون بمنطقة الانف فمااكان مسوي لي مشكله كبيره الاساس 

وماحسيته يغطي الاثار بشكل كبير تحتاجي كونسيلر معاه 

بس يبقي بالنسبه لي احسن كريم اساس حاليا لخفته على البشره 

الصوره توضح لكم قبل بعد استخدام الاساس كيف منظر البشره 

وبكذا انتهت التدوينه 

دعمكم للمدونه 

قراءة المزيد

المكياج

المكياج اليومي - daily Make up

                                        

                                                
                                                   صباح / مساء الخير للناس الجميله ♥♥♥.

بتكلم اليوم عن المكياج اليومي بوقت النهار كعمل او بالدراسه بالجامعه شوية نصائح تدوينة اليوم


المكياج النهاري يفضل انه يكون خفيف يعطي حيويه للوجه السموكي وكثرة المكياج ابدا موحلوه بصباح اتركيها لليل والطعات


                                                       مكياجي اليومي 


 انظف  البشره بغسول مناسب وخطوه المهمه قبل البدايه بالمكياج استخدم مرطب واتركه دقايق حتى تمتصه البشره 

 اكتفي بفرشه لترتيب  الحواجب و بالنسبه للعيون استخدم كحل مكياجي اسود داخل العين واذا كنتي من محبات الايلاينر يفضل 

تسويه بخط رفيع فوق خط الرمش العلوي لتحديد العين 

                                     

استخدم ماسكرا وبريه اعتبرها بديله الوبر عن الرموش بمكياجي اليومي استخدم الماسكرا الوبر الاولى واتركها شوي 

واحط فوقها من الماسكرا الثانيه السائله 

 واحياناا استخدم بي بي كريم تغطيتيه من خفيفه الي متوسطه  البي بي كريم الحالي استخدم من ديور او اكتفي بواقي الشمس للبشره

سبق وتكلمت بالمدونه عن الواقي الي استخدمه حاليا  و الكونسيلر مهم اذا كنتي تعاني من الهالات تحت العين اختار تغطيه متوسطه 

وسهل بالدمج استخدم هالفتره كونسيلر برو 


  
                                                     

بالنسبه ل البلاشر استخدم درجات الوردي والخوخي وابتعد عن درجات الاحمر والبارزه كثير واحيانا اضائه خفيفه بدمع العين

                                                    

الارواج  مثل الوردي والبيج النيود وابتعد عن الارجواني او تدرّجات الاحمر القوية وغيرها من الالوان  تكسر من نعومة المكياج.

احب الارواج الكريميه بالصباح احيانا اكتفي بمرطبات تعطي لون للشفايف مثل الابيلو اذا كنت مستعجله 

 الارواج حاليا الي استخدمها من مكياجي 2 و ثالث اخذته من كشك بمكان عادي + صوره سواتش ل الوان الارواج 

الي بالوسط لونه هادي كثير من الي باين بصوره 

اتمنى التدوينه اعجبتكم شاركوني برايكم واقتراحكم بتويتر وتعليقات

ولاتبخلو علي بتفاعلكم ودعمكم با حلوين 

قراءة المزيد

المكياج

اساسيات الميك اب للمبتدئات ( الاندرتون )

صباااح / مساء الخير  ي حلوات

كيفكم ان شاء الله كويسات

 موضوعنا اليوم شوووي عميق بالميك اب وهو اخر جزء في سلسلة اساسيات الميك اب

وللعلم انه حتى البنات الغير مبتدئات يغيب عن بالهم موضوع الاندرتون

اول شيء راح نعرف الاندرتون ايش يعني :

الأندرتون (Undertone) هو الصبغة الخفية في الجلد واللي تكون لون الجلد و تحدد ما إذا كان الشخص يملك بشرة"دافئة" أو باردة او طبيعيه  ".  وابدا ماله علاقه بلون الجلد اذا ابيض او اسمر ممكن صاحبة بشرة سمراء تكون نفس نوع الاندرتون عند صاحبة البشره البيضاء مصطلح الأندرتون مختلف تماما عن مصطلح لون الجلد (Skin tone) بحيث أن لون الجلد هو اللون الظاهر لنا و اللي ممكن يتغير بحسب عدة عوامل مثلا: 

- فصول السنة (بناء على مقدار التعرض لأشعة الشمس من فصل لفصل ثاني).

- الحالة الصحية للبشرة (تهيج البشرة أو استخدام أدوية معينة تؤثر على لون الجلد).

- العمر (مع تقدم العمر تزيد فرص ظهور التبقعات أو النمش). 

بينما الأندرتون هو لون ثابت ما يتغير بتغير الظروف المحيطة بالبشرة. 

طيب ايش فايدة الاندرتون :

فايدته انه راح يساعدك في اختيار الوان الميك اب والملابس والاكسوارات 

احيانا لمن تستخدمي الوان بالميك اب او عند اختيارك لون لبس معين تحسي بشرتك مالت للاصفرار والبهتان معناته انه ابدا ابدا ماناسبك اللون 

واختبار درجة الفاونديشن كمان اذا كان مايناسب الاندرتون الخاص فيك راح يقلب معاك على رمادي 

والنقطه هذي اغلب البنات يشكون منها 

الدافي

يعني أن لون الجلد يحتوي بشكل رئيسي على صبغة صفراء / ذهبية / زيتونية.

أصحاب الأندرتون الدافيء ما تنحرق بشرتهم من الشمس بسرعة، و في المقابل تسمر بسرعة، يعني عملية التان سهلة جدا بالنسبة لهم. يجب التنويه إلى أنه مو كل صاحب بشرة صفراء يكون بالضرورة الأندرتون تبعه دافيء، لأنه زي ما قلنا من أول لون الجلد يختلف بشكل كلي عن الأندرتون ، و الأشخاص الشرق الآسيويين عموما هما أوضح مثال على دا الشيء. في الأغلب بشرة الشرق آسيويين تكون صفراء بشكل واضح جدا، و لكن هذا ما يعني إنهم كلهم عندهم أندرتون دافيء، يعني ممكن تلاقي فيهم البارد و الدافيء و المحايد، زي ما حتشوفوا في الصور اللي تحت.

البارد

 يعني أن الجلد يحتوي بشكل رئيسي على صبغة زهرية / بنفسجية / زرقاء . أصحاب الأندرتون البارد التان صعب جدا عليهم و بشرتهم تنحرق بسرعة من الشمس. و برضو نفس  الشيء مو كل شخص بشرته فاتحة يكون بالضرورة الأندرتون حقه بارد.

  

 الأندرتون المحايد

يعني إنه الجلد يكون يحتوي على صبغات باردة و دافئة في نفس الوقت. و فيه ناس تصنف أصحاب البشرة الزيتونية بإنهم أصحاب أندرتون محايد لأنه خليط من الأزرق و الأصفر، لكن الأغلب يصنفوه دافيء لأنه في أغلب الحالات يكون اللون الأصفر طاغي على صبغة الجلد.

  

اليمين اللوان البشره الدافيه واليسار اللوان البشره البارده 

في عدة إختبارات ممكن تسويها عشان تكتشفي الأندرتون تبعك .. و سواء سويتيها كلها أو بعضها ما يفرق .. 

1- في وقت يكون منتصف اليوم ( أفضل وقت لأن في الصباح تكون البشرة لسا ما صحصحت و آخر اليوم تكون البشرة تعبانة) إلبسي روب أبيض ولفي منشفة بيضاء و يفضل يكون وراكي خلفية بيضاء، و إبدئي طالعي في نفسك في المراية و حاولي تكتشفي إيش الألوان الخفية في بشرتك؟ هل شايفة زراق ، خضار ، صفار؟حاولي تركزي على كل جسمك مو بس وجهك خصوصا منطقة الرقبة و أعلى الصدر و باطن الذراع.

لو ما حسيتي إنك قادرة تميزي الأندرتون عادي ممكن تعيدي الإختبار في يوم أو وقت ثاني أو ممكن تجربي الطرق الثانية. 

2- لون العروق .. في إضاءة كويسة شوفي لون العروق في المنطقة اللي على طول تحت باطن الكف (الرسغ) إذا كانت خضراء يعني في الغالب بشرتك دافية و إذا كانت زرقاء / بنفسجية يعني باردة ، و لو كانت خليط من الإثنين يعني بشرتك محايدة. 

3- المجوهرات .. إيش اللي يطلع عليكي أحلى في الغالب؟ المجوهرات الذهبية و إلا الفضية و الا ما يفرق؟ جيبي قطعتبن ذهبية و فضية (حاولي إنها ما تكون قطع تحبيها مرة عشان ما يأثر على استنتاجك) و إلبسيهم في نفس الوقت و قارني بينهم، الأندرتون الدافيء يناسبه الذهبي أكثر و البارد يناسبه الفضي أكثر، أما المحايد يناسبه الإثنين بنفس الدرجة. 

4- طالعي في ملابسك و مكياجك و منكيراتك و مجوهراتك .. إيش يغلب عليها؟ إيش ألوان الأشياء اللي لما تلبسيها تطلع عليكي واو و الناس كلها تمدحك عليها ؟ هل هيا ألوان باردة و الا دافية والا مكس؟ هذا الإختبار ممكن تبدئي فيه عشان يعطيكي نتيجة أولية.

5- الصور .. شوفي صورك مع صاحباتك و أقاربك و حاولي تقارني بشرتك بالنسبة لهم .. لا تطالعي لون الجلد، حاولي تدققي في الألوان الخفية في جلدك و تشوفي نفسك مقارنة بالناس اللي حواليكي إنتي تنتمي لأي فئة. 

هذا الإختبار حيساعدك مرة لأنه المقارنة المباشرة مع اللي حواليكي تبرز لك ألوانك بشكل أسرع زي الصور اللي بنقارن فيها هالحين 

بشرات آسيوية بأندرتون مختلفة .. من اليمين لليسار: بارد، محايد، دافيء

البشرات الغامقة مو بالضرورة تكون كلها بأندرتون دافيء! من اليمين لليسار: بارد، محايد، دافيء

البشرات الفاتحة مو بالضرورة تكون كلها بأندرتون بارد! من اليمين لليسار: بارد، محايد، دافيء

طيب الحين بنسوي مقارنه بين الفاوينديشن وكيف تختاريه 

1

2

طالعي بمجموعه 1 ، و مجموعه 2

ممكن من اول نظره راح تحسبينهم نفس الدرجات تقريباً مايفرقون

بس لاحظي المجموعه واحد يغلب عليها لون ايش؟ ايش اللون اللي تلمحينه لما تتنحين فيهم؟!

الاصفر او الاورانجي او المشمشي صح؟

طيب المجموعه 2؟ مايله على بينك .. شفتي كيف الفرق؟ مجموعه 1 هي فاونديشنز اندرتونها دافئ

و مجموعه 2 اندرتونها بارد طبعاً ، مع الممارسه صدقيني بسهوله راح تكتشفي

 ممكن بحالات قليله جداً راح تلجأي بهذي الطريقه

لان اغلب البراندز يلمحون لك بإسم الفاونديشن ايش اندر تونه  ♥

زي ميك اب فوريفر ، وعلى ما اعتقد ريفلون كمان ^^

طيب كيف تستنجي اندرتون الفاونديشن من اسمه؟

C = مأخوذه من Cold يعني بارد

W = مأخوذه من Warm يعني دافئ

NC = جامعه اول حرف من كلمة Cold و Normal يعني طبيعي بارد

NW = جامعه اول حرف من كلمة Warm و Normal يعني طبيعي دافئ

وبكذا انتهيت من التدوينه والحمدلله ختمنا السلسله 

اكتبو لي اقتراحاتكم ايش السلسله الجايه الي حابين نسويها 

ولاتنسو الاشتراك وتابعوني على مواقع التواصل الاجتماعي  

قراءة المزيد

المكياج

اساسيات فرش الميك اب للمبتدئات

 مساء / صباح الخير

 كيفكم ان شاء الله كويسات

تدوينة اليوم تابع لسلسلة الميك اب للمبتدئات ومختصه بالفرش راح نعرف كل فرشه ل ايش تستخدم

بحاول اختصرها على الشيء الاساسي الي راح تحتاجيه كمبتدئه

بس في كذا نقطه حابه اتكلم عنها

1 - الفرش في منها الغالي والرخيص كونك مبتدئه الافضل تختاري السعر الاقل حتى تتدربي ثم توجهي للغالي

كسعر مناسب تقريبا اقترح فرش ريل تكنيك عباره عن حقيبه فيها كذا فرشه وسعره حوالي الميه وشوي

2- في بعض الفرش موشرط يكون محدده ل استخدام معين بحد ذاته تقدري تستخدميها بشيء ثاني سوي الي يريحك

3-  تقدري تستغني عن فرشه الفاونديشن و كونسيلر ب البيوتي بلندر


الفرش في منها شعيراتها صناعيه ومنها الطبيعيه . طيب ايش الفرق بينهم ؟  وايهم احسن ؟

الصناعي يعني مصنعه من الياف مشابه للشعر الطبيعه ومعدلينها لمستوى معين 

الطبيعي يعني ممكن بأكثر الحالات يكونون ماخذينها من البقر او الماعز ومنظفينها اكيد ومركبينها علي الفرش

بالنسبه لي طبعا الصناعي احسن

اولا لان مافيه اي ايذاء للحيوانات او استغلال لهم

ثانيا لان الي شعرها صناعي بتكون اوفر لك من ناحيه المنتج لانها بتاخذ مثلا الفاونديشن وتحطه علي وجهك مباشر مارح تقوم بامتصاص 

اي جزء منه اماا الطبيعي راح تمتص شوي من المنتج وبالتالي راح تستخدمين كريم اساس 

اكثر ف علي المدا البعيد اكيد الصناعي اوفر لك بعض الصناعي يكونون حاطين مادة السيليكون علي راس الفرشايه عشان تظمن لك ان 

الفرشايه ماتمتص البرودكت نهائيا ومباشره من العلبه لوجهك وهذا شي جدا ممتاز 

فكري بالعمليه هذي زي شعرك الطبيعي والشعر التركيبه الاكستنشن لو حطيتي عليهم زيت اي وحده بتمتص زيت اكثر

نبدا بالفرش بعرض لكم فرش ريل تكنيك الي استخدمها حاليا 

  راح نبدا من الاعلى الي الاسفل

1 - فرشه وضع الايشادو 

2- فرشة الدمج والافضل يكون معاك كذا وحده للدمج

3- فرشه رسم الحواجب وممكن ترسمي فيها الايلاينر ع راحتك

4- فرشه لرسم الايلاينر 

5- فرشة التفاصيل الدقيقه مثل الزاويه الداخليه للعين 

راح نبدا من اليسار الي يمين 

1- فرشة ذي استخدمها لوضع برونزر والبلاشر 

2- الفرشه الثانيه اساسا لوضع كريم الاساس كوضع فقط مودمج  
ووممكن تستخدميها لوضع الكونتور والهايلايت 

بدلت استخدمها كوضع  للكونسيلر تحت العين لانها توصل للمناطق الدخليه واشوفها جميله نتيجتها 

3 - فرشه الثالثه احط الايشادو فيها تحت العين او الكونتور الكريمي للانف  وشفايف
وممكن تستخدميها لوضع الروج 

4- الفرشه الرابعه ادمج فيها الفاونديشن او اوزع الباودر

الفرشه ذي اسمها فراشة المروحه فايدتها تنظيف لك الايشادو الي تناثر معاك يعني تنظف 
وممكن تستخدميها لوضع الاضاءه على عظمة الخد وهي حلوه بالاستخدام هذا تاخذ كميه بسيطه من الاضائه الي تحتاجيها 

هذي البيوتي بلندر الي ماستغني عنها تغنيك عن فرش الدمج بالفاونديشن وكونتور وهايلايت 

غسيل فرش الميك اب :

اذا استخدامك بشكل يومي اغسليها مره بالاسبوع 

واذا نادر مره بالشهر تكفي 

شيء اكيد يابنات اذا ماغسلتو الفرش راح تتراكم بكتريا وبتالي تسبب لك ظهور الحبوب بالجلد

االاشياء الي بتحتاجينها في غسيل الفرش زيت زيتون + غسول خاص بالفرش وتلقيه في محلات الميك اب 

او تستبدليهم بشامبو الاطفال او شاور جل ديتول حطي شوي من زيت زيتون والغسول 

لتنظيف الفرشه سوا بقفاز خاص بغسيل الفرش او استخدمي يدك 

الخطوات بصوره الجايه

تنويه على بعض الخطوات :

ركزو بالخطوه الثانيه والرابعه طريقه توجيه الماء للفرشه 

لو رفعتي الفرشه ل اعلى اكثر وتوجه الماء على شعيراتها بتتلف معاك 

بالخطوه الثالثه نفس حركة الدمج اثناء استخدام للفرشه وبحركه متوسطه لاتفركي بقوه وتتلف معاك 

وبكذا انتهت التدوينه 
موفقين

قراءة المزيد

المكياج