مرحبااا جميلات
رمضان كريم عليكم حبايبي , هذا اول رمضان لي معاكم في التدوين
في شهر رمضان بأذن الله راح نختم سلسلة كيف تحصل على ماتريد
هدفي من هذي السلسله كل وحده منكم تعرف تحدد اولوياتها واهدافها في الحياه
الوقت يمشي بسرعه , ومن طبيعي ان كل شخص يحتاج لمشوره عشان يعرف مبتغاه
اختصار لوقتك وعشان توصلي لمبتغاك سويت هذي السلسله
وتذكري دائما إن الوقت الصحيح للبدء بأي شيء هو الآن و أن القادم أجمل بإذن الله ، لكن فقط إذا انت عزمت على العمل و الاصرار على المضي
ولو اني مو استشاريه نفسيه لكنها خلاصه بسيطه من تجربتي وقرأتي للكتب الي فادتني بالجانب هذا
كلنا نعرف ان اي شيء نحتاجه مستحيل يجي بالساهل لازم نتعب عليه اجلسي مع نفسك واعرفي انتي بحياتك وش تحتاجي
تكوين علاقات , فلوس , دعم معنوي ... الخ اي شيء تحددينه انتي تتعبي عشان هذا الشيء
1
كلنا ندري ان اليد الوحده ماتصفق مافي شيء راح يتحقق وانتي المحيط الي حولك سلبي ومحطم لك
اختاري الناس الي تفيدك تحفزك تدعمك ايجابيه وابعدي عن الاشخاص الي العكس
حددي الاشخاص الي تحتاجهم وتقربي لهم وعلاقتك تكون طيبه معاهم
على اساس يساعدونك تحصلي على الشيء الي ببالك
وجود الاشخاص الي ماتعرقل طموحك حولك تساعدك وتحفزك توصلي
2
اكتبي اهدافك سواء الي على المدى البعيد او القريب وخليها في مكان امامك بحيث انك تشوفيها وتذكريها مع الوقت
احتمال انك لو ماكتبتيها تصير حوسه معاك وتنسيها مع انشغالاتك , بكل مره تشوفيها بيكون عندك دافع على انك توصلي لها
3
قسمي طموحاتك الكبيره الي أجزاء لان لمن تتركي طموحك بالصوره الكبيره نفسها ممكن تشوفيه شيء صعب
وحمل ثقيل عليكي متى راح يخلص واخرتها تمل وتترك تحقيقه لسسهوله وصولك له قسميه الي اجزاء
مثال بسيط تبغي مبلغ مادي عشان تشتري شيء معين وسعره غير متوفر حاليا معكي
ممكن تقسمي المبلغ المطلوب على عدد شهور معينه كم توفري من مصروفك عشان تشتريه
الهدف من طرحي لهذا المثال تقسيم الخطوات لاتحطي عينك على الهدف بصورته الكبيره
خلي نظرك وتركيزك على الجزء الحالي الي عندك ووصلتي له من تحقيق الهدف لين توصلي للقمه الكبيره
حطي في بالك ان كل خطوه صغيره تنجزيها في مشوار تحقيقك للخطوه الكبيره هي بحد ذاتها انجاز وشيء قربك اكثر
4
سوي خطوات ومراحل للتقدم لانه ساعات في خطوات مافيها نتائج ملموسه لتقدمك او انها خطوه من المفترض انك تسويها عشان تقدم الي ابغا اوصله لك انك تقيمي نفسك بين فتره وثانيه وتعرفي انتي تمشين بالطريق الصح او لا
مثال : انتي حابه تنزلي وزنك حول 20 كيلو هذي السنه قسمي الككيلو الي كيلوات معينه خلال اشهر تنزليها واتبعيتي نظام رياضي قيمي كل شهر نفسك هل انتي استقدتي من الخطوات والطريقه الي سويتها بالرياضه وبالفعل نزل معاك الوزن المحدد او لا
5
حللي العقبات الي تواجهك في طريقك العقبات منوعه من حجمها من الكبيره الي صغيره بلشي بحل الاصعب ثم الاسهل
الغريزه من طبيعي تقولك خلينا نسوي السهل ثم الصعب بالنسبه لي اشوفه العكس لانه خلاص انا لو انتهيت من العقبه الكبيره
راح ارتاح واشوف كل عقبه بعدها خلاص سهله وانهيها بسهوله وبوصل اسرع للهدف
6
اعملي تحديد للوقت من وقت البدايه لوقت انتهائك منه لوماحطيتي وقت معين لـ انتهائك من هذا الشيء وين الشيء الي بيخليك تنهيه
انتي راح تخلينه عايم بالهوا بنهايه يمر الوقت وانتي في مكانك ويضيع من يدك خلي الوقت دافع لك عشان تنهي الهدف
7
كافئي نفسك على كل خطوه تنجزيها ولو بشيء بسيط قدري نفسك بنفسك ولاتنتظري الي حولك يصفقو لك
حطي في بالك ان ممكن يستصغرون الي حولك الانجازات البسيطه هذي ويشوفها ولاشيء بالنهايه راح يصفقو لك
لمن توصلي للشيء الكبير هذي طبيعة الناس ومحد ينكرها فأنتي حفزي نفسك وكافئي نفسك
كل خطوه انتي تنجزيها اشكري نفسك عليها
ان شاء الله تكونو استفدتو من التدوينه
لي لقاء معاكم في الجزء الثالث
ليست هناك تعليقات:
إرسال تعليق