السلام عليكم
يسعد صباحكم جميلاتي
كيف الحال بنات ... ؟! هذي اول تدوينه لي راح اتكلم فيها معاكم بعفويه _ كلام من القلب الى القلب معاكم
اول سلسله في اسلوب الحياة راح نبداها
كلامنا اليوم عنوانه :كيف نحصل على مانريد ..؟
كم مره ومره فكرنا فيها وقلنا لنفسنا انا انسانه مومحظوظه اي شيء ودي فيه مايصير , اي شيء اتمناه مايصير
بالمقابل بعض الناس يقدرون يخلون في حياتهم اي شيء هم لهم رغبه فيه ..
طيب ليش هم يحصلون كل شيء وانا حظي مو زين ؟ دايما تتسائلون وش الفرق بيني وبين هالناس !
السالفه كلها انه هالناس فيهم صفات هم مايدرون عنها او انهم يدرون فيها واكتسبوها في ناس بالفطره هم يقدرون يسون هالاشياء وفي ناس هم مايقدرون يسونها بالفطره فيحتاجون انهم يكتسوبها الصفات حتى يقدرو على اخذ الاشياء الي يتمنوها
طبعا لازم تصبرو معاي لان السلسله شوي طويله وحبه حبه راح ننتهي من السلسله
مستعدين تكونو اشخاص يحصلون على كل شيء هم يبونه .....!
كيف تكون انسان يحصل على مايريد ؟
1- اعرف ماتريد
اول شيء لازم تسويه تعرف بالضبط الشيء انت وش تبي مشكلتنا دايم نقول نبي هالشيء وهالشيء وماركزنا فكرنا على شيء معين نريده متشوشين وماندري احنا صدق نبيها او لا , لمن تعرف وش الشيء الي تبيه بالضبط راح يسهل عليك استهدافه فلا تخلون افكاركم وامنياتكم عايمه حدد بالضبط وش تبون ومتى تبونه
في سؤال مهم لازم تعرفه و تسأله لنفسك كيف بعرف اني حصلت على الشيء الي ابيه , كيف راح تتغير حياتي , وايشراح يصير وقت حصولي على الشيء هذا ...؟
2- ليش انا اريد هذا الشيء
اعرف انت ايش السبب الي خلاك تبحث عن هذا الشيء لان لمن اكتشف السبب , يمكن موهذا السبب الي خلاني ابحث عنه يمكن في سبب ثاني يلبي لي هذا السبب ممكن وقتها اغير الخطه او ابدلها لان السبب الي عندي يمكن ينحل باي طريقه ليش احط ببالي سبب واحد مو راضي يصير ابحث عن اسباب ثانيه تسهل عليك الوصول لرغبتك
** مثال : اذا جانا شخص وقال للنا انا لي رغبه في ترقيه في وظيفتي , وسالناه ليش , كان جوابه عشان دخل مادي اعلى او كمنصب او نقهر شخص ثاني بوصولنا للمنصب , افترضنا اننا كان جوابه الدخل المادي هو سبب رغبته في الترقيه وعشان نحقق الرغبة الدخل المادي اعطيناه فلوس زياده في كل مره لكن قلنا له ابقى في منصبك الحالي , راح ياخذ المبلغ المادي لانه اساسا هي رغبه الاساسيه وليس رغبته المنصب نفسه
مشكلتنا في مجتمعنا احيانا نبحث عن اشياء لان غيرنا عنده هالشيء او له رغبه في هالشيء بس مايدرون هم لييش يبونه ماعندهم سبب مقنع بس تبي تمشي مع الناس وتقلد وتصير نسخة هذا ونسخة ذاك
وهذا الشيء ممكن يضيع من الوقت والطاقه كثير وممكن يخليك تمشيء في طريق مافي منه فايده اساسا
3- اعرف مدى رغبتك في هذا الشيء
يعني وش كثر انت تبيه وش مستعد تضحي عشانه عشان تاخذ هالشيء خلونا بالواقع الدنيا احيانا عشان تحصل على شيء لازم تتخلى عن شيء ثاني لازم تضحي وتسوي موازنه وترتب اولويات رغباتك لان لو صادفت رغبتين في وقت واحد وخيرت فيهم تعرف مين تختار فيهم ومين تخلى على حسب مدى رغبتك
* الناس الي يحصلون على شيء الي يبونه لاتحسب انهم يحصلو على كل شيء يبونه وكل حياتهم كامله بس هم يعرفو يختارون الاشياء الاهم بالنسبه لهم لان لمن يختار الشيء الي له رغبه في كثير راح تكون السعاده متوواجده معاه
4- أرغب فيما تحصل عليه
ممكن احيانا نحصل على شيء مو الي نبيه بالضبط مثل تخصص جامعي غير رغبتنا او مكان وظيفي غير الوظيفه الي في بالنا
بس أرغب بالشيء الي يصيرلك وكون متقبل كل الاحتمالات والتجارب جرب وشوف لاتقول لا من اولها اعطي نفسك التجربه ممكن تلقى سعادتك ووناستك ورغبتتك الاساسيه في الشيء الي ربنا كتبه لك لحظتها
*** بما أننا عرفنا وش الشيء الي نبيه وليش احنا نبيه وش منتظرين لازم تبدو بالحركه في تحقيق هالشيء الناس الي يبون يحقوق رغباتهم يسون اكشن في حياتهم حتى يحصلو عليه ما يكونو جالسين ويتحلطو ويقولو احنا نبي هذا الشيء وهذا الشيء وينتظرون الشيء يجيهم لحد عندهم من غير اي جهد منهم .. الشيء مارح يجيك بنفسه ويتحققه بنفسه لازم تقوم وتاخذ خطوه اولى وتترك التسويف والتأجيل والمماطله
بكذا جميلاتي انهينا الجزء الاول من السلسله هذي وراح يكون في جزء ثاني انتظروه
ليست هناك تعليقات:
إرسال تعليق