مرحبا ي حلوات
كيفكم ان شاء الله كويسات
شهر مبارك عليكم ,
من بداء رمضان وانا مسويه تحدي انه يكون اكلي صحي شوي
ابتعد عن الحلا والاكلات المقليه
ابدا فطوري بعد التمر طبعا بكوب ماء و كوب عصير برتقال طازج
العصيرات مثل الفمتو والتانج قطعتهم نهااائيا من نظامي في رمضان
للامانه يوم واحد بس عملت الحلا هذا الي راح اكتبه لكم
وماكثرت منه 3 حبات بس طريقته سهله لكن ياخذ وقت في التجميد
ان شاء الله يعجبكم
المكونات :
7 اكياس اوريو
نص اصبع زبده
9 حبات جبنة كيري
3 ملاعق كبيره نستله
ربع علبة نوتيلا
الطريقه
تجيبي قوالب السيلكون انا اخذت الي ع شكل ورد وبعدها تغطي كل قالب بالنوتيلا لربع تقريبا
وتدخليه للفريزر يتجمد حول ساعه ونص جهزي خليط النستله مع جبن الكيري بالخلاط
وبملعقه صغيره نصفها حطيه فوق النوتيلا يعني كحشوه داخليه بس لاتكثرو منه
اطحني الاوريو وشيلي من داخله الكريمه بعد الطحن اعجينه يتماسك بالزبده
وغطي كطبقه سفليه فوق القالب منه فوق كل حبه افردي شوي من الاوريو الي سويتيه
ودخليه الفريزر يتماسك وبالعافيه عليكم
ليست هناك تعليقات:
إرسال تعليق