مرحبا يا حلوات
تدوينة اليوم بتكلم فيها عن موضة صيف 2016 , أغلب اللوكات الي بتكلم عنها شفتوها كثير بالاسواق بالفتره الاخيره
وحبيت أن التدوينه تنزل قيل العيد , حتى تكون مرجع لكم لوحابين تحطو في بالكم لوك معين تبحثو عنه
ولاحظو بتنسيقات بعضها يجمع بين ترندين في قطعه وحده !
البنطلون الوردي
الدرجه الهاديه هذي بتحديد تقدري تنسقيها بسهوله مع الالوان مثل الابيض , الاسود , البيج , السماوي الفاتح و الارجواني ..
أنا مو من محبين اللون الوردي بس الدرجه الهاديه جذبتني وحبيت الترند
نقشات الزهور
الترند متواجده بكثره وتقريبا تواجدت من العام الماضي ومستمره لسنه الحاليه
سواء كانت النقشات كبيره او صغيرة الحجم مقبوله تعطيكي لوك أنثوي وناعم ,
وتحتاج بتنسيقها أنتباه كثير بتناسب النقشات بين الجزء العلوي والسفلي
الترند هذي من الترندات المحببه لقلبي وكانت من القطع الي أختارها بكثره بهالسنه
أيضا الـ أوف شولدر
هي الاكتاف المنسدله أو النازله ويكون جزء من الكتف مكشوف
كثير تلقوها بالبلايز والقمصان والفساتين , تقدري تنسقي بلايز ال اوف شولدر مع الشورت او تنوره الجينز او البنطال الواسع
والتنوره القصيره المنفوشه , حبيت الترند هذا بالفساتين أكثر شيء تعطيكي طله أنثويه وناعمه
الملابس المطرزه
أنيق جدا وراقي يناسب لطلعات الكاجول والمناسبات وتقدري تنسقيه بكل سهوله مع أي قطعه حابتها
وعلى حسب رغبتك يكون التطريز جانبي او بكامل القطعه
تنانير الجينز (الدنيم)
التنوره الجينز نشوفها كثير بأشكال مختلفه منها
الازارير تقدري تختاريها ازارير بكامل القطعه او نصفها , التنانير المطرزه زي ماذكرنا ان التطريز داخل بكثره في القطع
, وتنانير الماكسي ( الخصر العالي ) تعطيكي طله كلاسيكيه وتقدري تنسقيها مع توب شوب
بيل سليفز
هي الاكمام الجرسيه او الواسعه
تكون من بداية الاكمام او بوسطها
حبيت الترند هذي وبالفتره الاخيره أنتشرت
وبكذا وصلنا ل أخر التدوينه
لاتنسو الدعم وتفاعلكم
ليست هناك تعليقات:
إرسال تعليق