مساء / صباح الخير
كيفكم ان شاء الله كويسات ....!
وكيف الدوامات معاكم مع بداية سنه جديده ! الله يسهلها عليكم يارب
بتكلم اليوم عن اقنعه لبشرة الوجه , مجربتها بنفسي ولي فتره شبه طويله استخدمها والاشياء الي بنحتاجها متوفره بسهوله
, بشرتي مختلطه غيرحساسه ومو اي قناع طبيعي كان مناسب لها العسل والزيوت مهيجه لبشرتي
حابه انبه على شيء اذا انتي تعاني من حبوب وتفكري انه الاقنعه الطبيعيه راح تعالجها لك فشيلي الفكره من بالك الاقنعه او
الخلطات هذي الي بذكرها او غيرها من المذكوره بالنت ممكن تسبب لك تهيج للحبوب وتزيدي المشكله اكثر
ولتفادي الالتهاب الجلدي جربي اي قناع طبيعي ينذكر لك بجزء صغير من الوجه مره الي ثلاث مرات اذا ماسبب لك اي مشاكل
استمري عليه
قناع بيوتاش
القناع فايدته يقشر البشره ومخصص ل أثار حب الشباب والبقع البنيه يعالجها
مره او مرتين بالاسبوع
قناع السدر
ملعقه صغيره من السدر تكفي + ماء ورد زيدي حسب الحاجه + ورق شاي اخضر
انقع الشاي الاخصر في ماء الورد نص ساعه واخلط معاه السدر لحد مايصير القوام متماسك وينفرد على البشره
اتركه على البشره نص ساعه واغسله مره بالاسبوع ماحسه مناسب للبشره الحساسه لانه قوي
فايدته :
ينظف البشره من الدهون يمتصها + توحيد البشره من تصبغات واثار
قناع الكاكو
ملعقه كبيره من بودرة الكاكو الداكنه اي نوع تفضليه شرط يكون خالي من الاضافات + ماء الورد
اخلطهم لحد مايصير القوام متماسك وينفرد على البشره ولمدة 20 -15 دقيقه تكفي لانه يجف بسرعه وتمتصه البشره
مره بالاسبوع اسويه
فايدته :
فيها مضادات الاكسده تكافح ظهور التجاعيد ويجدد خلايا الجلد
قناع الشوفان
حبوب شوفان اي نوع اطحنه لحد مايصير تقريبا بودره اخذ منه ملعقه كبيره + ملعقتين حليب بودره + ماء ورد حسب الحاجه
اذوب الحليب بماء الورد واخلط الشوفان معهم لحد مايصير برضومتماسك شوي واحطه على البشره 5 دقايق
لحد مايقارب الجفاف افركه فرك خفيف بشكل دائري مثل المساج لمده دقيقه واتركه 5 دقايق ثانيه وبعدها اغسل بماء بارد
فايدته :
يقشر تقشير خفيف للبشره ويجدد الخلايا الجلد وينظفها من دهون ورؤوس السوداء ويعطي حيويه للبشره
تجربتي :
الاقنعه بعضها مستمره عليها من سنه الي سنه واكثر وبعضها من 6 اشهر القناع الاساسي بروتيني الاسبوعي
هو قناع بيوتاش واضيف لروتيني الاسبوعي واحد من باقي الاقنعه الي ذكرتها وللامانه نتايجها كانت كويسه ومرضيه معي
ومرتاحه عليها كثير والاهم انها ماسبب لي اي مشاكل اخرى
ليست هناك تعليقات:
إرسال تعليق